គ្រាន់តែឮថា Man City ជិតទិញបានភ្លាម Chelsea គ្រោងនឹងឆក់យកតារាឆ្នើមនៅជម្រើសជាតិអង់គ្លេសរូបនេះដែរ

អង់គ្លេស៖ យោងតាមសារព័ត៌មាន TMW គឺ ក្លិបតោខៀវ Chelsea ចង់ទិញយកខ្សែបម្រើ Jack Grealish កាត់មុខ Manchester City បន្ទាប់ពីលេចឮដំណឹងថាលោកគ្រូ Pep Guardiola ចង់បានគេខ្លាំង។

Grealish បានក្លាយជាកីឡាករជួរមុខមួយរូបដែលលោកគ្រូបង្វឹក Gareth Southgate ទុកចិត្តនិងបានរួមចំណែកជួយក្រុមជម្រើសជាតិអង់គ្លេសឲ្យឡើងដល់ផ្ដាច់ព្រ័ត្រ Euro 2020 ដោយទទួលបានតំណែងជើងឯករងផងដែរ។

Grealish ទំនងជាចង់ចាកចេញពី Aston Villa ប៉ុន្តែក្លិបមួយនេះបានព្យាយាមដាក់សំណើកុងត្រាល្អៗដល់រូបគេប៉ុន្តែយ៉ាងណាមិញឥលូវនេះ Chelsea បានចូលប្រជែងជាមួយ Man City ក្នុងការទិញកីឡាករវ័យ២៥ឆ្នាំរូបនេះដែរហើយ។

ប៉ុន្តែ Caughtoffside បានបង្ហើបឲ្យដឹងថាឱកាសដែល Chelsea ទិញយក Grealish បានគឺមានតិចណាស់ដោយសារគេបានដាក់ចិត្តនិងព្រមព្រៀងផ្ទេរទៅទឹកដី Etihad ក្នុងតម្លៃខ្លួន១២១.៣លានដុល្លារនិងចុះកុងត្រាចំនួន៥ឆ្នាំទៀតផង៕

ប្រភព៖ caughtoffside