បរទេស៖ នាពេលថ្មីៗនេះ ម្ចាស់ក្លិប Inter Miami លោក David Beckham បានផ្ដល់វគ្គបណ្ដុះបណ្ដាលមួយចំនួនដល់យុវជនថ្នាលនៃក្លិបរបស់លោក ហើយជាមួយគ្នានោះ លោកក៏បានបង្ហាញពីបច្ចេកទេសលេងបាល់យ៉ាងល្អទៀតផង។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សជាក់ស្ដែង តាមរយៈវីដេអូឃ្លីបខ្លីមួយបានបង្ហាញថា អតីតកីឡាករក្រុមបិសាចក្រហម Manchester United រូបនេះបានព្យាយាមបណ្ដើរបាល់ផងញាក់បាល់ផង ពីការតាមរារាំងរបស់ក្រុមយុវជនមានគ្នាប្រហែល ៣ ទៅ ៤នាក់។ អ្វីដែលគួរឲ្យភ្ញាក់ផ្អើល បុរសវ័យ៤៥ឆ្នាំរូបនេះ នៅតែរកអាចរកចន្លោះប្រហោងឃើញ និងបានទាត់បាល់ចូលទីយ៉ាងល្អតាមចន្លោះជើងរបស់យុវជនម្នាក់។
ចំពោះវីដេអូឃ្លីបនោះដែរ លោក Beckham បានបង្ហោះនៅលើគណនី Instagram របស់ខ្លួន អមនឹងចំណងជើងថា៖
ចូលចិត្ដចូលរួមជាមួយកីឡាករថ្នាល វាបានរម្លឹកខ្ញុំ ពេលខ្ញុំជាកីឡាកររបស់ក្រុម Manchester United ថ្ងៃដំបូងៗ។
គួរឲ្យដឹងដែរថា នេះជាលើកដំបូងរបស់លោក Beckham ចាប់តាំងពីឆ្នាំ២០២០មក ក្នុងការចូលរួមបង្ហាត់បង្ហាញដល់យុវជនថ្នាល ដោយសារតែការរីករាលដាលនៃជំងឺកូវីដ-១៩ ៕
Bong I.T