អឺរ៉ុប៖ លោក John Terry ហាក់មានចំណង់ចំណូលចិត្តយ៉ាងខ្លាំងក្នុងការមកដឹកនាំក្រុម Swansea City បន្ទាប់ពីលោកសម្រេចចិត្តចាកចេញពីក្រុម Aston Villa កាលពីថ្ងៃ ច័ន្ទ ម្សិលមិញនេះ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សអតីតប្រធានក្រុមរបស់ Chelsea បានក្លាយជាជំនួយការគ្រូបង្វឹកនៅក្រុម Aston Villa ក្រោយពេលដែលលោកបានសម្រេចចិត្តចូលនិវត្តន៍ក្នុងនាមជាកីឡាករបាល់ទាត់ជាមួយក្រុម Midlands ក្នុងឆ្នាំ ២០១៨។
បុរសវ័យ ៤០ ឆ្នាំរូបនេះ បានចូលរួមចំណែកយ៉ាងធំធេងក្នុងការជួយក្រុម Aston Villa ឱ្យទទួលបានកៅអីឡើងមកលេងនៅក្របខណ្ឌកំពូលរបស់ អង់គ្លេស Premier League វិញ, ប៉ុន្តែពេលនេះ Terry បានសម្រេចចិត្តចាកចេញពីតួនាទីរបស់ខ្លួនហើយ ព្រោះលោកមានមហិច្ចតាចង់ក្លាយជាអ្នកចាត់ការពេញសិទ្ធម្នាក់។
ស្របពេលជាមួយគ្នានេះ ក្លិប Swansea City កំពុងតែស្វែងរកអ្នកចាត់ការថ្មី បន្ទាប់ពីលោក Steve Cooper បានលាលែងចេញពីតំណែងកាលពីសប្តាហ៍មុន, ហើយលោក John Eustace ជាបេក្ខភាពឈានមុខគេដែលអាចមកជំនួសតំណែងលោក Cooper, ប៉ុន្តែចុងក្រោយលោកបានបដិសេធទៅវិញដោយសារតែហេតុផលផ្ទាល់ខ្លួន៕
ប្រភព៖ Metro