អង់គ្លេស៖ ក្លិប Manchester United ជាក្លិបធំ និងមានឈ្មោះបោះសំឡេងបំផុតមួយ នៅក្នុងពិភពលោក ដោយមានកីឡាករឆ្នើមៗជាច្រើនរូប បានមកប្រកបអាជីពនៅទីនោះ ហើយក្រុមនេះក៏ធ្លាប់បាននាំចូលកីឡាករតម្លៃខ្លួនថ្លៃៗជាច្រើនរូប មកកាន់ Old Trafford ផងដែរ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សខាងក្រោមនេះ ជាកីឡាករដែលផ្ទេរមកថ្លៃៗបំផុតចំនួន ៥រូប ក្នុងប្រវត្ដិសាស្ដ្រក្លិប Manchester United៖
១. Paul Pogba
Pogba បានផ្ទេរមកពីក្លិប Juventus ក្នុងឆ្នាំ២០១៦ ក្នុងតម្លៃ១០៥លានអឺរ៉ូ (ឬប្រមាណ ១២៣លានដុល្លារអាមេរិក) ដែលជាតម្លៃខ្ពស់បំផុតនៅលើពិភពលោក អំឡុងពេលនោះ។
២. Harry Maguire
ក្លិប Manchester United បានធ្វើឲ្យប្រិយមិត្ដបាល់ទាត់ជាច្រើនភ្ញាក់ផ្អើល នៅពេលហ៊ានចំណាយប្រាក់ ៨៧លានអឺរ៉ូ (ឬប្រមាណ ១០២លានដុល្លារអាមេរិក) ដើម្បីចុះហត្ថលេខាយកខ្សែការពារកណ្ដាលរូបនេះ ពីក្លិប Leicester City ក្នុងឆ្នាំ ២០១៩។
៣. Jadon Sacho
ក្លិប Manchester United ទើបយកបាន Sancho ពីក្លិប Borussia Dortmund ជាផ្លូវការនាពេលថ្មីៗនេះ ក្នុងតម្លៃ ៨៥លានអឺរ៉ូ (ឬប្រមាណ ១២៣លានដុល្លារអាមេរិក)។
៤. Romelu Lukaku
Lukaku ត្រូវបានផ្ទេរមកពីក្លិប Everton ក្នុងឆ្នាំ២០១៧ ក្នុងតម្លៃ ៨៥លានអឺរ៉ូ (ជិត ១០០លានដុល្លារអាមេរិក) ហើយក្លិបបានលក់គេទៅឲ្យក្លិប Inter Milan វិញក្នុងឆ្នាំ ២០១៩ ក្នុងតម្លៃជាង ៧០លានអឺរ៉ូ (ឬប្រមាណ ៨២លានដុល្លារអាមេរិក)។
៥. Angel Di Maria
ក្លិប Manchester United បានចុះកុងត្រាខ្សែប្រយុទ្ធស្លាប Di Maria ពីក្លិប Real Madrid ក្នុងឆ្នាំ ២០១៤ ក្នុងតម្លៃ ៧៣លានអឺរ៉ូ (ឬប្រមាណ ៨៦លានដុល្លារអាមេរិក) ហើយបច្ចុប្បន្នកីឡាករសញ្ជាតិអាហ្សង់ទីនរូបនេះ កំពុងប្រកបអាជីពនៅក្លិប PSG ៕
ប្រភព៖ 90min