កូរ៉េខាងត្បូង ៖ ថ្មីៗនេះ BTS ត្រូវគេបានអញ្ជើញជាភ្ញៀវកិត្តិយសពិសេស ក្នុងកម្មវិធី Eight O’Clock News របស់ស្ថានីយ៍ទូរទស្សន៍ SBS ដោយមានផ្ដល់បទសម្ភាសន៍ទាក់ទងនឹងព្រម អារម្មណ៍ពិតរបស់ពួកគេ ដែលទទួលបានតាមរយៈតន្ដ្រី និងរឿងរ៉ាវនានា។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស
ស្របនឹងនេះដែរ Jungkook ដែលសមាជិកកូនពៅគេប្រចាំក្រុម ក៏បានលើកឡើងពីរឿងមួយចំនួន ទាក់ទងនឹងអារម្មណ៍របស់ខ្លួន ព្រមជាមួយរឿងរ៉ាវដែលលោកធ្លាប់ជួបប្រទះកន្លងមក ដោយសរសេរសេចក្ដីថ្លែងអំណរគុណតាមរយៈសារលិខិតមួយ។
សារនោះ បានបានរៀបរាប់ខ្លឹមសារដូចតទៅ ៖
មនុស្សជាច្រើននៅតែមានរឿងពិបាក ហើយពួកយើង (BTS) ក៏ដូចគ្នាដែរ។ និយាយឲ្យត្រង់ទៅមានពេលខ្លះ ខ្ញុំក៏ចង់បណ្ដោយគ្រប់យ៉ាងចោល ដោយមិនខ្វល់អ្វីទាំងអស់ ព្រោះខ្ញុំក៏ជាមនុស្សដែរ ព្រោះតែរឿងរ៉ាវដែលត្រូវបានគ្រោងទុក នឹងត្រូវដោះស្រាយខ្លះ វាត្រូវបានជំនួសដោយការខកចិត្ត ហើយខ្ញុំមិនអាចដោះស្រាយបាន ហេតុនេះទើបចង់បណ្ដោយគ្រប់យ៉ាង។
លើសពីនេះទៅទៀត Jungkook បានបន្តថា មូលហេតុដែលលោកសម្រេចមិនបោះបង់ ហើយប្រឹងប្រែងតស៊ូមកដល់ពេលនេះ គឺដោយសារតែមាន ARMY និងសមាជិកបងៗរួមក្រុម BTS ជាកម្លាំងពិសេស ចាំលើកទឹកចិត្ត និងចាំជំរុញមករហូត ព្រមទាំងបង្ហើបពីក្ដីស្រមៃនាពេលខាងមុខផងដែរ។
ប៉ុន្តែបន្ទាប់ពីឃើញអ្នកគាំទ្រ និងសមាជិកទាំងអស់នៅជិតខ្ញុំ ខ្ញុំស្រាប់តែមានកម្លាំងតស៊ូនឹងបញ្ហាអស់ទាំងនោះជាថ្មី។ ទោះបីជាខ្ញុំជាមនុស្សម្នាក់ដែលចង់ធ្វើរឿងអ្វីៗឲ្យបានគ្រប់យ៉ាងហើយល្អ ប៉ុន្តែអ្វីដែលខ្ញុំកំពុងធ្វើពេលនេះ គឺពិតជាធ្វើឲ្យរូបខ្ញុំផ្ទាល់សប្បាយចិត្តហើយ។ ខ្ញុំក៏គ្មានគម្រោងផ្ទាល់ខ្លួនអំពីអ្វីផ្សេងក្រៅពីជាតារាចម្រៀងនេះដែរ។ ខ្ញុំពិតជាសប្បាយចិត្តខ្លាំងណាស់ពេលនេះ។ ខ្ញុំចង់ជួបអ្នកគាំទ្រទាំងអស់គ្នាឆាប់ៗ ហើយនឹងបានសម្ដែងក្នុងការប្រគំតន្ត្រី។
ប្រភព៖ Koreaboo
Bong I.T