ប្រេស៊ីល៖ លោក Roberto Carlos ដែលជាអតីតខ្សែការពារឆ្នើមមួយរូបបាននិយាយថា Chelsea គួរតែសង់រូបសំណាកតំណាងឲ្យខ្សែបម្រើ Jorginho បន្ទាប់ពីមើលឃើញថាគេពិតជាបានជួយក្លិបច្រើនណាស់។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស
Chelsea ក្រោមការដឹកនាំរបស់លោកគ្រូបង្វឹក Thomas Tuchel ពិតជាមានការវិវត្តន៍គួរឲ្យកត់សម្គាល់ដោយបានក្លាយជាជើងឯក Champions League រដូវកាលមុនដោយមាន Jorginho ជួយជ្រោមជ្រែង។
បន្ទាប់មកកីឡាករសញ្ជាតិអ៊ីតាលី កាត់ ប្រេស៊ីល រូបនេះបានបន្តជួយក្រុមជម្រើសជាតិអ៊ីតាលី លើកពាន Euro 2020 ថែមទៀតទើបលោក Carlos គិតថា Jorginho ពិតជាវីរបុរសមួយដែលបានជួយទាំង Chelsea និងអ៊ីតាលី។
លោក Carlos បានថ្លែងថា៖
ក្នុងការប្រកួត Euro 2020 គឺខ្ញុំគាំទ្រក្រុមរបស់លោក Mancini(ក្រុមជម្រើសជាតិអ៊ីតាលី) ព្រោះទម្រង់លេងរបស់ពួកគេល្អណាស់ និងមានស្មារតីនឹងនរ។ Jorginho គឺពិតជាមិនចេះរួញរាទេ បើនៅប្រេស៊ីលវិញគេមុខជាមានប្រយោជន៍ចំពោះពួកយើងណាស់ហើយ។ បន្ទាប់ពីការប្រកួតនៅ European Championship និង Champion League គឺខ្ញុំគិតថា Chelsea គួរតែសង់រូបសំណាកមួយជូនដល់គេ។
គួរបញ្ជាក់ផងដែរថា Jorginho ក៏ជាបេក្ខភាពអាចមានសិទ្ធិដណ្ដើមពានបាល់មាស ballon d'Or សម្រាប់រដូវកាល ២០២០/ ២០២១ ផងដែរ៕
ប្រភព៖ caughtoffside
Bong I.T