អង់គ្លេស៖ ក្លិបមាន់ខ្នាយមាស Tottenham Hotspur បានបញ្ជាក់ជាផ្លូវការពីការទិញយក ខ្សែប្រយុទ្ធ Bryan Gil ពីក្លិប Sevilla ក្រោមលក្ខខណ្ឌប្ដូរឲ្យ Erik Lamela ទៅ Sevilla វិញ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សបន្ថែមពីលើនោះ Spurs បានបង់ប្រាក់ចំនួន២១.៦លានផោន(ស្មើនឹងប្រមាណ២៩.៧លានដុល្លារ) ដើម្បីយកកីឡាករវ័យក្មេងរូបនេះដោយ Gil នឹងចុះកុងត្រា៥ឆ្នាំជាមួយក្លិប។
ខ្សែការពារ Sergio Reguilon ដែលជាមិត្តជិតដិតរបស់ Bryan Gil ក៏បានបញ្ជាក់តាមគណនីផ្លូវការរបស់គេដែរដោយគេរំពឹងទុកថាខ្សែប្រយុទ្ធវ័យ២០ឆ្នាំរូបនេះនឹងផ្ទេរមកលេងនៅ Spurs ក្រោយចប់ភារកិច្ចប្រកួតនៅព្រឹត្តិការណ៍អូឡាំពិកឆ្នាំ២០២០ ឯប្រទេសជប៉ុន។
គួរបញ្ជាក់ផងដែរថា Bryan Gil បានក្លាយជាកីឡាករទី២ដែល Spurs បានទិញយកនៅរដូវកាលថ្មីនេះបន្ទាប់ពីនាំយកអ្នកចាំទី Pierluigi Gollini ពីក្លិប Atalanta ៕
ប្រភព៖ metro