កូរ៉េខាងត្បូង ៖ កាលពីថ្ងៃទី២៦ ខែ កក្កដា នៅវេលាម៉ោងប្រហែល ៨យប់ ម៉ោងនៅប្រទេសកូរ៉េខាងត្បូង ម្សិលមិញនេះ វីដេអូចម្រៀងបទ MIC Drop (Steve Aoki Remix) របស់ក្រុមចម្រៀងប្រុស BTS រកបានសមិទ្ធផលសំខាន់ថ្មី ដោយមានចំនួនអ្នកចូលទស្សនាលើសពី ១ពាន់លានដង ច្រើនបំផុតលើ YouTube។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សគួរបញ្ជាក់ផងដែរថា Music Video មួយបទនេះ បានចេញផ្សាយកាលពីថ្ងៃទី២៤ ខែ វិច្ឆិកា ឆ្នាំ ២០១៧ មានន័យថា បទចម្រៀង MIC Drop (Steve Aoki Remix) បានចំណាយពេលប្រហែលជា ៣ឆ្នាំ ៨ខែ និង ២ថ្ងៃ ដើម្បីឈានដល់ចំណុចជោគជ័យសំខាន់លំដាប់កំពូលបែបនេះ។
តាមរយៈកំណត់ត្រាថ្មីខាងលើនេះ បានធ្វើឲ្យ MIC Drop (Steve Aoki Remix) ក្លាយជា MV ទី៤ របស់ក្រុម BTS ដែលរកបានចំនួនអ្នកចូលទស្សនាច្រើន និងលឿនបំផុតលើសពី ១ពាន់លានដង ប្រចាំប្រវត្តិសាស្ត្រ YouTube បន្ទាប់ពីបទ DNA បទ Boy With Luv និងបទ Dynamite៕
សូមអបអរ BTS ចំពោះសមិទ្ធផលនេះ!
ប្រភព ៖ Soompi