BTS បង្កើតប្រវតិ្តសាស្ត្រម្ដងទៀតក្រោយ Butter ដណ្ដើមតំណែងលេខ១ ពី Permission To Dance!

កូរ៉េខាងត្បូង ៖ សម្រាប់សប្ដាហ៍នេះ ប្រព័ន្ធផ្សព្វផ្សាយផ្លូវការរបស់ Billboard បានប្រកាសឲ្យដឹងថា បទ Butter របស់ក្រុមចម្រៀង Kpop ល្បីលំដាប់ពិភពលោក BTS  បានបង្កើតប្រវត្តិសាស្រ្តកំពូលសំខាន់ជាថ្មីម្ដងទៀត ដោយបង្ហាញមុខនៅចំណាត់ថ្នាក់កំពូលលេខ១ លើតារាង Hot 100 និងជាជោគជ័យនេះលើកទី៨​ ផងដែរសម្រាប់កំណត់ត្រាបទនេះ។

គួរបញ្ជាក់ផងដែរថា កាលពីសប្ដាហ៍មុន Butter របស់ BTS បានចុះមកចំណាត់ថ្នាក់លេខ៧ ដោយផ្ដល់ឱកាសឲ្យបទ Permission To Dance របស់ខ្លួនគ្រងតំណែងលេខ១ ម្ដង ហើយសម្រាប់សប្ដាហ៍នេះ បទថ្មី Permission To Dance របស់ពួកគេក៏បង្ហាញមុខនៅចំណាត់ថ្នាក់លេខ៧​ វិញ។

នេះបានសបញ្ជាក់ឲ្យឃើញថា ចាប់តាំងពី BTS ចេញផ្សាយបទ Butter មកប្រជាប្រិយភាពរបស់ពួកគេ បានហក់ឡើងមិនគួរឲ្យជឿ នៅលើទីផ្សារតន្តី្ររបស់អាមេរិក ដោយទទួលបានជោគជ័យសំខាន់ៗ និងកំណត់ត្រាប្រវត្តិសាស្រ្តកំពូលៗជាហូរហែ រហូតទទួលបានកំណត់ត្រាកំពូលលេខ១ លើតារាង Hot 100 ដល់ទៅទី៨ លើក៕

សូមអបអរ BTS ចំពោះកំណត់ត្រានេះ!

ប្រភព ៖ Soompi