បរទេស៖ លោក Ronaldinho បានប្រាប់ទៅកាន់ Lionel Messi ដាច់ខាតត្រូវតែបន្តលេងឲ្យ Barcelona ពីព្រោះកីឡាករសញ្ជាតិអាហ្សង់ទីនរូបនេះកំពុងតែស្ថិតនៅក្នុងទីតាំងដែលគ្មានអ្នកណាអាចដណ្តើមអាវលេខ១០បានទេ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស
ជាការពិតណាស់ កាលពីដើមឡើយ Ronaldinho ទេដែលជាអ្នកពាក់អាវលេខ១០នៅ Barcelona ប៉ុន្តែ លោកបានប្រគល់វាឲ្យ Messi ពាក់មុនផ្លាស់ទៅកាន់ AC Milan នៅក្នុងឆ្នាំ២០០៨ ហើយ លោកពិតជាសប្បាយចិត្តចំពោះភាពជោគជ័យរបស់ម្ចាស់ពានរង្វាន់ Ballon d'Or ៦សម័យរូបនេះ។ យ៉ាងណាក្តី លោកពិតជាចង់ឃើញ Messi បន្តកុងត្រាថ្មីជាមួយ Barcelona ខណៈ បច្ចុប្បន្ន រូបគេអស់កុងត្រាជាមួយក្រុមហើយ។
Ronaldinho បាននិយាយថា៖
Messi ត្រូវតែបន្តលេងឲ្យ Barcelona ពីព្រោះគាត់ គឺជា ប្រវត្តិសាស្រ្តរបស់ក្លិប។ នៅពេលគាត់ចូលនិវត្តន៍ គាត់អាចរក្សាអាវលេខ១០នៅទីនោះ ហើយ គ្មាននរណាម្នាក់អាចប៉ះបានទេ៕
ប្រភព៖ goal
Bong I.T