អត់ដែលនិយាយរកគ្នា! កីឡាករ Man City រូបនេះឌឺ Pep ថាលោកគ្រូប្រហែលមិនដឹងថាមានគេជាកូនក្រុមនោះឡើយ

អង់គ្លេស៖ ខ្សែការពារ Pedro Porro បានបង្ហើបឲ្យដឹងថាគេពុំធ្លាប់បាននិយាយជាមួយលោកគ្រូបង្វឹក Pep Guardiola នោះឡើយខណៈដែលមានព័ត៌មានចចាមអារ៉ាមថាកីឡាករសញ្ជាតិអេស្ប៉ាញរូបនេះជិតនឹងផ្លាស់ទៅក្លិប Sporting Lisbon ឯប្រទេសព័រទុយកាល់។

Manchester City ធ្លាប់ជះប្រាក់១៥លានដុល្លារទិញយក Porro ពី Girona នៅឆ្នាំ២០១៩ បន្ទាប់មកក៏ដាក់ឲ្យគេលេងខ្ចីជើងនៅក្លិប Real Valladolid។

នៅរដូវក្ដៅមុន ខ្សែការពារវ័យ២១ឆ្នាំរូបនេះបានត្រឡប់មកទឹកដី Etihad វិញ ប៉ុន្តែក្លិប Sporting Lisbon ក៏បានសុំខ្ចីជើងគេចំនួនពីររដូវកាលហើយឥលូវនេះ Sporting Lisbon គ្រោងនឹងទិញយកគេពី Man City ផ្ដាច់តែម្ដង។

Porro បានចុះកុងត្រាចំនួន៥ឆ្នាំជាមួយក្លិបប៉ុន្តែមកទល់ពេលនេះហើយគេមិនទាន់បានចូលលេងសូម្បីមួយនាទីឲ្យ Man City ដូច្នេះទើបគេបានថ្លែងថា គេមិនដែលបាននិយាយជាមួយ លោកគ្រូ Pep ទេហើយលោកគ្រូទំនងជាមិនដឹងទេថាគេក៏ជាកីឡាករ Man City ម្នាក់ដែរ។

Pedro Porro បានថ្លែងប្រាប់ A Bola ថា៖

ប្រភព៖ goal