ភ្នំពេញ៖ ថ្មីៗនេះ លោក ធា រិទ្ធ ដែលជាអ្នកដឹកនាំសម្តែង នៅក្នុងផលិតកម្មសាន់ដេ បានព្រលយពាក្យប៉ុន្មានឃ្លា ទៅកាន់សិល្បករសិល្បការីនីជំនាន់ក្រោយៗ ប្រសិនបើចង់ឈរជើងនៅលើសិល្បៈបានគង់វង្សត្រូវតែធ្វើបែបនេះជាមុនសិន។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សយោងតាមគណនីហ្វេកប៊ុករបស់អ្នកដឹកនាំសម្តែង រូបនេះ បានសរសេរជាសារខ្លី ដើម្បីក្រើនរម្លឹក និងដាស់ដល់តារាមួយចំនួនដែលប្រកាន់អាកប្បកិរិយាមិនសមរម្យថា៖
ខ្ញុំសូមផ្តាំ ក៏ដូចជាបញ្ចេញយោបល់ ដូចប្អូនៗដែលជាតារាសម្តែង ដែលជាអ្នកសិល្បះជំនាន់ក្រោយនេះ បានចង់ឈរជើងលើវិស័យនេះឱ្យបានយូរ
កុំល្បីតិចតួច គិតថាខ្លួនល្បី គិតថាខ្លួនឯងអស្ចារ្យ គិតថាមានតែឯង គេខ្វះអីមិនបាន
អ្នកខ្លះមិនទាន់បានថតតួឯកទេ ( Main Talent ) តែកុំមើលចារឹកវិញ ឡើង High ឡើងរវល់គ្រប់ពេល
អ្នកខ្លះបានតួឯកវិញ មិនបាច់និយាយ គឺក្រោមមេឃាមានតែអញ កន្លងមកសុំគេថត គេហៅថាភ្លាមមិនប្រកែក តែពេលល្បីរឿងល្មមៗមិនថតទេ ខ្លាចខូចតួ ខ្លាចក្តៅ
តារាសម្តែងក៏ដោយ ឱ្យតែជាមនុស្ស ត្រូវផឹកទឹកនឹកប្រភពដើម ត្រូវអោយតំលៃនៅអ្នកណា កន្លែងណាដែលគេផ្តល់ឱកាសឱ្យយើង ( ពាក្យនេះនិយាយជាមួយអ្នកមានអំនួតអត់ត្រូវទេ ព្រោះគេគិតថាអញមានសមត្ថភាព បានអញល្បី )
កាន់តែខ្ពស់ កាន់តែអោន កាន់តែមានគេស្រលាញ់ នឹងគោរព
យ៉ាងណាមិញ អ្នកគាំទ្រ ក៏ដូចជាមហាជនបាននាំគ្នាគាំទ្រនូវសំណេរ ដ៏មានអត្ថន័យរបស់ លោក ធា រិទ្ធ យ៉ាងខ្លាំង ដែលនេះគឺជាសារសម្រាប់ប្រាប់ទៅកាន់តារាជំនាន់ក្រោយ ដើម្បីរៀបចំខ្លួនឱ្យបានសមរម្យក្នុងនាមជាតារាផងដែរ៕
សូមចូលទស្សនារូបភាពខាងក្រោម៖
Bong I.T