អង់គ្លេស៖ លោកគ្រូបង្វឹក Ole Gunnar Solskjaer បានបញ្ជាក់ច្បាស់ហើយថា ខ្សែការពារ Alex Telles អាចនឹងខកខានពុំបានចូលប្រកួតបើករដូវកាលឲ្យ Man United នោះឡើយបន្ទាប់ពីរងរបួសត្រង់កជើងក្នុងជំនួបមិត្តភាពមុនបើករដូវកាលរវាង Man UTD ទល់នឹង Queen Park Ranger ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សTelles នឹងអវត្តមានប្រមាណ២ទៅ៣សប្តាហ៍ ខណៈការប្រកួតបើកឆាករដូវកាលរបស់ក្រុមបិសាចក្រហមនៅ Premier League រដូវកាលថ្មីគឺចាប់ផ្ដើមនៅថ្ងៃទី១៤ ខែសីហា ទល់នឹងក្លិប Leeds United ។
កីឡាករសញ្ជាតិព័រទុយកាល់រូបនេះ បានចូលលេងក្នុងការប្រកួតមិត្តភាពមុនបើករដូវកាលជាមួយ Derby County ប៉ុន្តែដោយសារងរបួសបែបនេះគឺគេគ្មានមុខក្នុងការប្រកួតមិត្តភាពទល់នឹង Brentford និង Preston North End នោះឡើយ។
Alex Telles បានចូលលេង២៤ប្រកួតនារដូវកាលមុន ដោយសារតែលោកគ្រូ Solskjaer យកគេធ្វើជាជម្រើសទី២បន្ទាប់ពីខ្សែការពារ Luke Shaw ៕
ប្រភព៖ thesun