ច្រើនគួរសម! ថ្លៃចំណាយព្យាបាលជំងឺកូវីដ១៩ របស់ Nawat រហូតដល់ខ្ទង់ម៉ឺនដុល្លា​រ

ថៃ៖ អាចនិយាយបានថា វានៅតែជាប្រធានបទដ៏ក្តៅគគុក ខណៈពេលមនុស្សជាច្រើននៅតែបន្តតាមដាន ទៅលើពិធីករដ៏ល្បីឈ្មោះ លោក Nawat ដែលកំពុងសម្រាកព្យបាលជំងឺកូវីដ១៩ នៅក្នុងមន្ទីរពេទ្យមួយកន្លែង ។

ប៉ុន្តែក្រោយមក ស្រាប់តែមានរឿងរ៉ាវ ដែលបានលើកឡើាងថា លោកត្រូវបានបណ្តេញចេញពីមន្ទីរពេទ្យ ហើយខាងមន្ទីរពេទ្យ បានស្នើសុំឲ្យលោកចេញពីមន្ទីរពេទ្យដើម្បីទុកគ្រែឲ្យអ្នកជំងឺផ្សេងទៀត ព្រោះ តារាប្រុសរូបនេះបាននៅទីនោះជាច្រើនថ្ងៃទៅហើយ ។ ម៉្យាងវិញទៀត គ្រូពេទ្យក៏បានឯកភាពថា ស្ថានភាពរបស់លោកបានធូរស្បើយរហូតដល់អាចត្រឡប់មកផ្ទះវិញបាន។ 

យ៉ាងណាមិញ ជុំវិញបញ្ហានេះដែរ នៅថ្ងៃទី ២៣ ខែកក្កដាឆ្នាំ ២០២១ ដោយយោងតាមកម្មវិធីមួយ បានរាយការណ៍ថា លោក Moddam Kachapha ដែលជាមិត្តរួមអាជីពរបស់ លោក Nawat ស្រាប់តែបានបង្ហើបថា លោក Nawat បានចូលសម្រាកនៅមន្ទីរពេទ្យអស់រយៈពេលច្រើនជាង ២២ ថ្ងៃមកនេះ ថ្លៃចំណាយព្យាបាលជំងឺរបស់លោក គឺមានតម្លៃលើសពី ៥ លានបាត (ប្រហែល ១៥ ម៉ឺនដុល្លា) ហើយមូលហេតុដែលធ្វើឲ្យមានការចំណាយថ្លៃបែបនេះ នោះដោយសារតែ ការស្កេន CT ដែលត្រូវបានធ្វើស្ទើរតែរាល់ថ្ងៃ រួមទាំងមានគ្រូពេទ្យយកចិត្តទុកដាក់បំផុត។

បើទោះបីជាការចំណាយលើការព្យាបាលជំងឺថ្លៃខ្លាំងបន្តិចមែន តែ លោក Nawat មិនចាំបាច់ចេញទៅចំណាយដោយខ្លួនឯងនោះទេ ពីព្រោះតែ តារាប្រុសមានការធានារ៉ាប់រងសុខភាពរួចហើយ ហើយខាងក្រុមហ៊ុនធានារ៉ាប់រងនេះ បានចំណាយទៅលើព្យាបាលទាំងអស់របស់លោក ផងដែរ៕ 

ប្រភព៖ Kapook

សូមទស្សនារូបភាពខាងក្រោម៖