កូរ៉េខាងត្បូង ៖ នៅក្នុងវីដេអូមួយលើគណនី Channel YouTube ផ្ទាល់ខ្លួនរបស់ស្រីស្អាតសម្លេងស្រទន់ Rosé សមាជិកក្រុម BLACKPINK បានរៀបរាប់រំលឹកដល់អនុស្សាវរីយ៍ចាស់ៗ កាលពីកុមារភាពរបស់ខ្លួនជាមួយនឹង បទសម្ភាសន៍ខ្លីៗ ស្ដីពីចំណាប់អារម្មណ៍ចំពោះក្ដីស្រមៃកាលពីមុន។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សជាក់ស្ដែង ជាមួយនឹងបទសម្ភាសន៍នេះដែរ Rosé បានបង្ហាញពីកម្រងរូបភាពអនុស្សាវរីយ៍ចាស់ៗ កាលពីកុមារភាពរបស់ខ្លួន ដែលមានបង្កប់នូវអត្ថន័យសំខាន់បំផុតសម្រាប់ជីវិតរបស់នាង រួមមាន៖
១. រឿងរ៉ាវពីក្រោយឈ្មោះរបស់ Rosé
ទាក់ទងនឹងឈ្មោះ តារាស្រីរូបនេះបាននិយាយថា ម៉ាក់ប៉ារបស់នាងបានទិញសៀវភៅឈ្មោះមួយក្បាល តាំងពីនាងមិនទាន់កើត ដោយលោកប៉ារបស់នាង ចាប់អារម្មណ៍នឹងឈ្មោះ «Roseane» ហើយក៏កត់ចំណាំឈ្មោះនេះទុកទៅ។
២. ផ្ទះកាលពីតូចរបស់ Rosé
Rosé នៅតែចងចាំគ្មានថ្ងៃភ្លេចចំពោះផ្ទះដែលនាង និងគ្រួសាររស់នៅកាលពីក្មេង ថ្វីត្បិតតែវាមិនធំប៉ុន្មាន មានជណ្ដើរតូចចង្អៀត ប៉ុន្តែវាបានបង្កប់នូវសុភមង្គលដល់សមាជិកគ្រួសារមិនអាចកាត់ថ្លៃបាន។
៣. ក្ដីស្រលាញ់ចំពោះតន្ត្រី ដែល Rosé មានតាំងពីនៅតូច
ចំពោះអនុស្សាវរីយ៍ដែល Rosé ចាំជាងគេពេលនោះ គឺជាទំហំនៃសេចក្ដីស្រលាញ់ចំពោះតន្ត្រី ដែលនាងបានចាប់ចិត្តស្នេហាលើវាតាំងពីកុមារភាពមកម៉្លេះ។
ជ្រាបច្បាស់ សូមទស្សនាវីដេអូខាងក្រោម ៖
ប្រភព៖ Koreaboo