កូរ៉េខាងត្បូង ៖ នៅក្នុងវីដេអូមួយលើគណនី Channel YouTube ផ្ទាល់ខ្លួនរបស់ស្រីស្អាតសម្លេងស្រទន់ Rosé សមាជិកក្រុម BLACKPINK បានរៀបរាប់រំលឹកដល់អនុស្សាវរីយ៍ចាស់ៗ កាលពីកុមារភាពរបស់ខ្លួនជាមួយនឹង បទសម្ភាសន៍ខ្លីៗ ស្ដីពីចំណាប់អារម្មណ៍ចំពោះក្ដីស្រមៃកាលពីមុន។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស
ជាក់ស្ដែង ជាមួយនឹងបទសម្ភាសន៍នេះដែរ Rosé បានបង្ហាញពីកម្រងរូបភាពអនុស្សាវរីយ៍ចាស់ៗ កាលពីកុមារភាពរបស់ខ្លួន ដែលមានបង្កប់នូវអត្ថន័យសំខាន់បំផុតសម្រាប់ជីវិតរបស់នាង រួមមាន៖
១. រឿងរ៉ាវពីក្រោយឈ្មោះរបស់ Rosé
ទាក់ទងនឹងឈ្មោះ តារាស្រីរូបនេះបាននិយាយថា ម៉ាក់ប៉ារបស់នាងបានទិញសៀវភៅឈ្មោះមួយក្បាល តាំងពីនាងមិនទាន់កើត ដោយលោកប៉ារបស់នាង ចាប់អារម្មណ៍នឹងឈ្មោះ «Roseane» ហើយក៏កត់ចំណាំឈ្មោះនេះទុកទៅ។
ខ្ញុំកើតនៅ New Zealand ដូច្នេះខ្ញុំត្រូវមាន ឈ្មោះជាភាសា អង់គ្លេស។ កាលនោះប៉ាម៉ាក់របស់ខ្ញុំបានទិញសៀវភៅឈ្មោះមួយក្បាល។ ខ្ញុំគិតថា មកពីប៉ាម៉ាក់ពិនិត្យមើលឈ្មោះទាំងអស់នោះ ហើយក៏បានចាប់អារម្មណ៍ឈ្មោះ Roseanne ជាងគេ។ ខ្ញុំគិតថាប៉ា គាត់បានរកឃើញឈ្មោះដែលសមជាងគេ ដូចនេះគាត់ក៏សម្រេចយកឈ្មោះហ្នឹង។ ខ្ញុំចង់សួរគាត់បញ្ជាក់ម្ដងទៀត ប៉ុន្តែតាមអ្វីដែលខ្ញុំចាំ ទាំងនេះជាដំណើរដើមទងដែលពួកគាត់ដាក់ឈ្មោះនេះឲ្យខ្ញុំ។
២. ផ្ទះកាលពីតូចរបស់ Rosé
Rosé នៅតែចងចាំគ្មានថ្ងៃភ្លេចចំពោះផ្ទះដែលនាង និងគ្រួសាររស់នៅកាលពីក្មេង ថ្វីត្បិតតែវាមិនធំប៉ុន្មាន មានជណ្ដើរតូចចង្អៀត ប៉ុន្តែវាបានបង្កប់នូវសុភមង្គលដល់សមាជិកគ្រួសារមិនអាចកាត់ថ្លៃបាន។
ខ្ញុំមានអនុស្សាវរីយ៍ជាច្រើនជាមួយផ្ទះដំបូងដែលខ្ញុំបានរស់នៅ ហើយក៏ចាំគ្មានថ្ងៃភ្លេចដែរ។ ពួកយើងត្រូវឡើងជណ្ដើរតូចចង្អៀត ដើម្បីទៅដល់ទ្វារខាងមុខ។ ខ្ញុំចាំបានថាវាជាផ្ទះស្អាត និងកក់ក្ដៅ ហើយក៏សាកសមឥតខ្ចោះសម្រាប់យើងបួនរស់នៅនាក់។
៣. ក្ដីស្រលាញ់ចំពោះតន្ត្រី ដែល Rosé មានតាំងពីនៅតូច
ចំពោះអនុស្សាវរីយ៍ដែល Rosé ចាំជាងគេពេលនោះ គឺជាទំហំនៃសេចក្ដីស្រលាញ់ចំពោះតន្ត្រី ដែលនាងបានចាប់ចិត្តស្នេហាលើវាតាំងពីកុមារភាពមកម៉្លេះ។
ពេលនោះ ខ្ញុំចូលចិត្តគេងណាស់។ រាល់ដងដែលត្រឡប់មកពីរៀនពេលណា ខ្ញុំបានគេងពី ២ទៅ ៣ម៉ោងឯណោះ ហើយពេលងើបពីគេងវិញពេលណា ខ្ញុំតែងតែទៅលេងព្យ៉ាណូជានិច្ច។ ខ្ញុំចូលចិត្តលេងណាស់។ ខ្ញុំគិតថា ពេលនោះហើយដែលខ្ញុំចាប់ផ្ដើមកើតចិត្តស្រលាញ់ចំពោះតន្ត្រី។
ជ្រាបច្បាស់ សូមទស្សនាវីដេអូខាងក្រោម ៖
ប្រភព៖ Koreaboo
Bong I.T