ទីបំផុត! តួលេខ​ឆ្លងកូវីដ១៩ នៅប្រទេសក្នុងតំបន់អាស៊ានមួយនេះ កើនឡើងលើស ១លាននាក់ហើយ

គូឡាឡាំពួរ៖ ករណីឆ្លងកូវីដ១៩ នៅក្នុងប្រទេសម៉ាឡេស៊ី ​បានកើនឡើងសរុបដល់​ ១,០១៣,៤៣៨នាក់ កាលពីថ្ងៃអាទិត្យ ២៥ កក្កដា បន្ទាប់ពីក្រសួងសុខាភិបាលប្រទេសនេះ បានរាយការណ៍នូវករណីឆ្លងថ្មីចំនួន ១៧,០៤៥នាក់។ នេះបើតាមប្រភពព័ត៌មាន CNA។

ក្រសួងសុខាភិបាលឡេស៊ី កាលពីថ្ងៃអាទិត្យបានប្រកាសថា មានអ្នកស្លាប់ចំនួន ៩២នាក់បន្ថែមទៀត ​ធ្វើឱ្យចំនួនអ្នកស្លាប់កើនឡើងដល់ ៧,៩៩៤នាក់ និង​មានករណីជាសះស្បើយចំនួន ៩,៦៨៣នាក់ ខណៈ​ជាសះស្បើយសរុបឡើង​ដល់ ៨៤៤,៥៤១នាក់។

គួរឱ្យដឹងដែរថា ខណៈរដ្ឋ Kelantan បានរាយការណ៍ពីករណីឆ្លងវីរុសកូវីដបំប្លែងខ្លួនថ្មីដែលតា «Delta variant» ជាលើកដំបូង អាជ្ញាធរសុខាភិបាល ក៏បានជំរុញឱ្យប្រជាជនមានការប្រុងប្រយ័ត្នខ្ពស់។ បន្ថែមពីនេះ មន្ទីរពេទ្យមួយនៅក្នុងរដ្ឋ Penang ក៏ត្រូវបានផ្លាស់ប្តូរទៅជាមន្ទីរពេទ្យសំរាប់ព្យាបាលអ្នកជំងឺកូវីដ១៩ផងដែរ ដើម្បី​ដោះស្រាយនូវកំណើនឡើងនៃករណីឆ្លងជាបន្តបន្ទាប់៕