កម្សាន្ត៖ Justin Bieber គឺជាកំពូលតារាចម្រៀង Pop ម្នាក់ដែលមានកេរ្តិ៍ឈ្មោះល្បីល្បាញទូទាំងពិភពលោក។ Justin តែងតែទទួលបានការស្រលាញ់គាំទ្រពីមហាជនជានិច្ច ទោះបីជាខ្លួនធ្លាប់មានរឿងរ៉ាវអាស្រូវកើតឡើងពីមុនក៏ដោយ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស
ជាការពិតណាស់ មហាជនតែងតែគិតថា ជីវិតរបស់តារាចម្រៀង ជនជាតិកាណាដារូបនេះ ស្គាល់តែភាពសប្បាយហឺហា មិនដែលកើតទុក្ខអ្វីឡើយ។ ប៉ុន្តែធាតុពិតទោះបីជា Justin Bieber មានទ្រព្យសម្បត្តិស្ដុកស្ដម្ភចាយមិនអស់ ក៏គេចមិនផុតពីវិបត្តិផ្លូវចិត្តនេះដែរ។
កាលពីម្សិលមិញថ្ងៃទី ២៥ ខែកក្កដា កន្លងទៅនេះ Justin បានបង្ហាញពីអារម្មណ៍ពិតរបស់ខ្លួន នៅក្នុងការប្រគំតន្ដ្រី "The Freedom Experience" នៅឯកីឡដ្ឋាន SoFi ក្នុងតំបន់ Inglewood រដ្ឋ California ។ អ្វីដែលធ្វើឲ្យអ្នកគាំទ្រខ្លោចចិត្តនោះគឺ Justin បាននិយាយរៀបរាប់ទាំងទឹកភ្នែកនូវរឿងក្នុងចិត្តដែលខ្លួនមិនដែលបង្ហាញឲ្យអ្នកណាដឹងថា៖
ខ្ញុំធុញទ្រាន់នឹងសាសនា ខ្ញុំធុញទ្រាន់នឹងការបែងចែក។ វាជាការពិតណាស់ មានមនុស្សជាច្រើនកំពុងដោះស្រាយបញ្ហាសុខភាពផ្លូវចិត្ត។ ខ្ញុំបានដោះស្រាយជាមួយបញ្ហាសុខភាពផ្លូវចិត្តជាច្រើនដង ដែលជាអ្វីដែលខ្ញុំបានតស៊ូក្នុងពេលកន្លងមកហើយខ្ញុំនៅតែតស៊ូជាមួយវា។ អ្នកមិនឯកាទេ! តើអ្នកបានឮទេ? អ្នកមិននៅម្នាក់ឯងទេ! ខ្ញុំតែងតែនៅទីនេះដើម្បីផ្ដល់កម្លាំងចិត្តដល់អ្នក។
បន្ទាប់ពីតារាប្រុសរូបនេះបង្ហាញអារម្មណ៍ពិតរបស់ខ្លួនដល់អ្នកគាំទ្រឲ្យបានឃើញ ធ្វើឲ្យមហាជនបានដឹងហើយថា ទោះបីជា Justin Bieber ជាតារាល្បីយ៉ាងណាក៏ដោយ ក៏គេនៅមានចំណុចខ្សោយដែរ ជាពិសេសគឺផ្លូវចិត្ត៕
សូមចុចលីងខាងក្រោមដើម្បីទស្សនាវីដេអូបង្ហាញពីសកម្មភាព Justin កំពុងយំរៀបរាប់ប្រាប់ទៅដល់ហ្វេនរបស់ខ្លួន!
https://fb.watch/6ZRyv3b7aW/
ប្រភព៖ Justin Bieber - CAMBOBODIAfan
Bong I.T