អង់គ្លេស៖ យោងតាមសេចក្ដីរាយការណ៍គឺក្លិបបិសាចក្រហម Manchester United ចង់ទិញយកខ្សែបម្រើ Saul Niguez ពី Atletico Madrid បន្ទាប់ពីឮថាក្លិបមួយនេះបានបរាជ័យក្នុងការប្ដូរ Saul យក Antoine Griezmann ពី Barcelona រួចមក។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សកីឡាករវ័យ២៦ឆ្នាំរូបនេះនៅសល់កុងត្រាជាមួយ Atletico Madrid រហូតដល់ឆ្នាំ២០២៦ តែយោងតាមប្រភពមួយបានបង្ហើបថាគេទំនងជាចង់ផ្លាស់ទៅលេងនៅ Premier League ដើម្បីស្វែងរកការប្រកួតប្រជែងថ្មី។
ភាគីលោកគ្រូបង្វឹក Ole Gunnar Solskjaer ចង់បាន Saul មកជំនួស Paul Pogba ដែលល្បីថាអាចនឹងផ្ទេរទៅក្លិប Paris Saint-Germain ខណៈដែលតម្លៃខ្លួនរបស់ Saul គឺខ្ទង់ ៤៥លានផោន(ស្មើនឹងប្រមាណ៦១.៨លានដុល្លារ)។
ក្នុងនោះដែរ Liverpool ក៏ចង់បានកីឡាករសញ្ជាតិអេស្ប៉ាញរូបនេះដែរតែទាល់តែក្លិបលក់ខ្សែបម្រើក្នុងក្រុមចេញខ្លះទើបអាចទិញយកគេបាន៕
ប្រភព៖ dailymail