បរទេស៖ លោក Jamie O’Hara បានមានប្រសាសន៍ថា ខ្សែប្រយុទ្ធរបស់ក្រុម Manchester United គឺឈរត្រឹមចំណាត់ថ្នាក់លេខ ៤ ប៉ុណ្ណោះនៃក្របខណ្ឌ Premier League ទោះបីជាបច្ចុប្បន្នពួកគេអាចយកបាន Jadon Sancho ក៏ដោយ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស
ជុំវិញការលើកឡើងជាមួយសារព័ត៌មាន talkSPORT លោកគឺមិនបានចាត់ទុកខ្សែប្រយុទ្ធរបស់ Man UTD ជាជម្រើសដ៏ល្អមួយនោះទេ បើប្រៀបធៀបជាមួយក្រុមដទៃទៀត។ ហើយគាត់បានបន្តទៀត ដោយលើកសរសើរជាខ្លាំងចំពោះចង្វាក់លេងនៃខ្សែប្រយុទ្ធទាំង ៣ របស់ក្រុម Liverpool មាន Mohamed Salah, Sadio Mane និង Roberto Firmino។
អតីតកីឡាកររបស់ក្រុម Tottenham Hotspurs លោក Jamie O’Hara បានមានប្រសាសន៍យ៉ាងដូច្នេះថា៖
Liverpool គឺមានខ្សែប្រយុទ្ធជួរមុខទាំង ៣ ល្អបំផុតនៅ Premier League, ក្នុងនោះមាន Sadio Mane, Roberto Firmino និង Mohamed Salah។ សម្រាប់ខ្ញុំ ខ្ញុំគិតថាពួកគេគឺល្អជាង Man UTD។ អ្វីដែលខ្ញុំនិយាយ គឺមិនមែនលើកឡើងពីការប្រកួតនៅរដូវកាលមុននោះទេ ប៉ុន្តែទាំងអស់នោះគឺខ្ញុំផ្អែកទៅលើសមត្ថភាព និង ទេព្យកោសល្យដែលពួកគេមាន៕
ប្រភព៖ Sport Bible
Bong I.T