បរទេស៖ លោក Jamie Carragher បានចេញមុខជំទាស់ ជុំវិញការអះអាងរបស់កីឡាករ Gini Wijnaldum អំពីមូលហេតុដែលរូបគេសម្រេចចិត្តចាកចេញពី Liverpool ហើយទៅចូលរួមជាមួយក្រុម Paris Saint-Germain។ ក្នុងនោះដែរ អតីតជើងចាស់លោក Carragher បានលើកឡើងថា ខ្សែបម្រើរូបនេះគេចាកចេញដោយសារតែចង់បានលុយតែប៉ុណ្ណោះ មិនមែនដោយសារតែអ្នកគាំទ្របន្ទោសគេនៅលើបណ្តាញសង្គមនោះទេ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស
ជាការពិតណាស់ ខ្សែបម្រើសញ្ជាតិ ហូល្លង់ បានចាកចេញពីទឹកដី Anfield ក្រោយរួមរស់ជាមួយ Liverpool បានរយៈពេល ៥ ឆ្នាំ ហើយបន្ទាប់ពីកុងត្រារបស់គាត់ត្រូវបានផុតកំណត់ គាត់គឺមិនបានយល់ព្រមជាមួយក្លិបក្នុងការបន្តកិច្ចកុងត្រាថ្មីឡើយ, ក្នុងនោះដែរខ្សែបម្រើវ័យ ៣០ ឆ្នាំក៏បានចេញមុខទម្លាយឱ្យដឹងផងដែរ អំពីមូលហេតុដែលខ្លួនចាកចេញពីក្របខណ្ឌ Premier League។
ថ្លែងប្រាប់គេហទំព័រ The Times, Wijnaldum បាននិយាយយ៉ាងដូច្នេះថា៖
អ្នកគាំទ្រនៅកីឡដ្ឋាន និង អ្នកគាំទ្រនៅលើបណ្តាញសង្គម គឺមានរឿង ២ ផ្សេងគ្នា។ នៅកីឡដ្ឋាន ខ្ញុំអាចនិយាយបានថា ពួកគេគឺមិនអាក្រក់នោះទេ។ ពួកគេតែងតែគាំទ្រខ្ញុំជានិច្ច។ ចំណែកឯនៅលើបណ្តាញសង្គមវិញ ប្រសិនបើយើងចាញ់ ខ្ញុំជាមនុស្សម្នាក់ដែលទទួលបាននូវការស្តីបន្ទោស, នោះហើយជាមូលហេតុដែលខ្ញុំចង់ចាកចេញ។
ទន្ទឹមនឹងការបកស្រាយរបស់ Wijnaldum ខាងលើ លោក Carragher ក៏បានចេញមុខឆ្លើយតបទៅវិញយ៉ាងដូច្នេះថា៖
ខ្ញុំស្រឡាញ់ Gini ប៉ុន្តែនៅត្រង់នេះវាគឺមិនត្រឹមត្រូវនោះទេ, នៅលើបណ្តាញសង្គមវាជារឿងទូទៅប៉ុណ្ណោះ ហើយគ្រប់ក្លិបទាំងអស់តែងតែមានរឿងបែបនេះ។ សូមបញ្ឈប់ការជូនដំណឹងរបស់អ្នកមួយនេះ ហើយវាក៏ជារឿងរំខានមួយផងដែរ ដែលឱ្យអ្នកលុបកម្មវិធីមួយនេះចោល! គាត់ចង់បានលុយច្រើនជាងនេះ ប៉ុន្តែក្លិបបាននិយាយថាទេ, នោះហើយគឺបាល់ទាត់!៕
I love Gini but this is not right, social media is a circus & every club has clowns. Turn off your notifications & if it’s bothering you that much delete the app! He wanted more money the club said no, that’s football! https://t.co/NNmiyFXYBY
— Jamie Carragher (@Carra23) July 24, 2021
ប្រភព៖ Metro
Bong I.T