បរទេស៖ ក្រុមហ៊ុន Google បានចូលរួមការប្រារព្ធពិធីកីឡាអូឡាំពិក ទីក្រុងតូក្យូ តាំងពីថ្ងៃសុក្រ ជាមួយរូប Doodle ដែលមានបង្កប់ហ្គេមផងដែរ។ រូប Doodle Champion Island Games មានតួអង្គឆ្មានីនចា តំណាងឲ្យរូបអ្នក ចូលរួមការប្រកួតវិញ្ញាសារហ្គេមតូចៗ ដើម្បីក្លាយជាជើងខ្លាំងផ្នែកកីឡា។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សហ្គេមនេះអាចចូលលេងបានដោយសេរីឥតគិតថ្លៃ នៅលើគេហទំព័ររបស់ Google។ ហ្គេមនេះតម្រូវឲ្យអ្នកដើរផ្សងព្រេងជុំវិញកោះ ដើម្បីចូលរួមប្រកួតវិញ្ញាសារហ្គេមតូចៗចំនួន៧ ដោយផ្អែកលើកីឡាអូឡាំពិក រួមមាន កីឡាវាយកូនបាល់លើតុ ជិះក្ដារស្គី ឬបាញ់ព្រួញជាដើម។ មេជើងឯកកំពូលកីឡានីមួយៗគឺដកស្រង់ចេញពីរឿងព្រងនិទានរបស់ជប៉ុន ហើយរូបអ្នកអាចចូលរួមប្រកួតជាមួយមេទាំងនោះ នៅតាមផ្លូវដំណើរផ្សងព្រេងរបស់អ្នក។
នៅក្នុងការប្រកួតប្រជែង អ្នកអាចជ្រើសរើស ចូលរួមក្រុមចំនួនមួយក្នុងចំណោមបួន ដែលមានដូចជាពណ៌ខៀវ ក្រហម លឿង ឬបៃតង ហើយមេក្រុមនីមួយៗគឺជាសត្វ និងមានតារាងពិន្ទុជាសកល សម្រាប់ក្រុមទាំងអស់ផងដែរ។ គួរបញ្ជាក់ថា រូបគំនូរតួអង្គទាំងអស់នេះត្រូវបានបង្កើតឡើងដោយ ក្រុមហ៊ុនគំនូរជីវចល Studio4°C ដែលមានទីតាំងនៅទីក្រុងតូក្យូដោយផ្ទាល់ តែម្ដង៕
ប្រភព: CNET