កម្សាន្ត៖ ប្រិយមិត្តច្បាស់ជាស្គាល់ក្រុមតារាចម្រៀង Kpop ដ៏ល្បីល្បាញ BTS តាមរយៈចម្រៀងរបស់ពួកគេរួចរាល់ហើយ ពួកគេជាក្រុមតារាចម្រៀងដែលបំបែកកំណត់ត្រាពិភពលោកជាច្រើន និងជាគ្រាប់ពេជ្ររបស់ប្រទេសកូរ៉េខាងត្បូងទៀតផង។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សក្រុមចម្រៀងដ៏មានឥទ្ធិពលមួយនេះ មិនត្រឹមតែមានភាពល្បីល្បាញនិងទេពកោសល្យពិសេសប៉ុណ្ណោះទេ BTS បានធ្វើឲ្យមហាជនលង់ជាមួយនឹងរូបរាងសង្ហារបស់សមាជិកនីមួយៗផងដែរ ។ ថ្មីៗនេះ ហ្វេនៗមានការចាប់អារម្មណ៍ជាខ្លាំងទៅលើតារា Tiktok ម្នាក់ ដែលមានមុខមាត់ស្រដៀង Jimin សមាជិកក្រុម BTS ដូចបងប្អូនភ្លោះអញ្ចឹង។
តារា TikTok សញ្ជាតិ ហ្វីលីពីន Ian Noel De Leon បានកើនចំនួនអ្នកតាមដានក្នុងគណនី Tiktok របស់ខ្លួនជិត ១លាន នាក់ ដោយគ្រាន់តែខ្លួនបានបង្ហោះវីដេអូបង្ហាញមុខមាត់ដែលស្រដៀងទៅនឹង Jimin ។ ហ្វេនៗមានការភ្ញាក់ផ្អើលជាខ្លាំង បន្ទាប់ពីឃើញមុខមាត់របស់ Ian ដែលដូចទៅនឹងអាយដលខ្លួនមែនទែន។
បន្ទាប់ពីបង្ហាញមុខក្នុង TikTok មក Ian ទទួលបានការស្រលាញ់ចូលចិត្ត និងមានអ្នកចូលមើលវីដេអូរបស់គេរាប់លាននាក់ឯណោះ។ មិនតែប៉ុណ្ណោះ មហាជននាំគ្នាសរសើថា តារាTikTok ម្នាក់នេះ សង្ហាដូច Jimin សមាជិកក្រុម BTS ស្ទើតែច្រឡំថាជាបងប្អូនភ្លោះទៀតផង៕
សូមទស្សនាវីដេអូខាងក្រោមរបស់ Ian ដែលមានអ្នកចូលមើលរាប់លាននាក់៖
ប្រភព៖ Koreaboo