ជប៉ុន៖ ថ្មីៗនេះ វីដេអូឃ្លីបខ្លីមួយ ទទួលបានការចាប់អារម្មណ៍យ៉ាងខ្លាំងនៅលើបណ្ដាញសង្គម Tik Tok ដែលថតបង្ហោះចែកចាយនូវសកម្មភាពពីលក្ខណៈពិសេសនៃឡាបូលាងដៃ អាចសម្អាតទូរសព្ទបានទៀត ក្នុងពេលតែមួយ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សជាក់ស្ដែងតាមរយៈវីដេអូឃ្លីប បានបង្ហាញឲ្យឃើញថា នៅលើឡាបូលាងដៃ មានប្រឡោះតូចមួយ សម្រាប់ឲ្យអ្នកប្រើប្រាស់ដាក់ទូរសព្ទរបស់ខ្លួនចូលទៅក្នុងនោះ ខណៈពេលលាងសម្អាតដៃ។ បន្ទាប់មក ទូរសព្ទនឹងស្រូបចូលទៅខាងក្នុង រួចបិទជិត ហើយបញ្ចេញភ្លើងពណ៌ខៀវ ដើម្បីកំចាត់នូវមេរោគ និងបាក់តេរីផ្សេងដែលតោងជាប់ទូរសព្ទ។ លុះពេលអ្នកប្រើប្រាស់លាងសម្អាតដៃហើយ នោះទូរសព្ទនឹងចេញមកក្រៅវិញតាមប្រឡោះដដែល។
យ៉ាងណាមិញ គេបានគិតថា នេះជាបច្ចេកវិទ្យាដ៏ប្លែកមួយ និងមើលទៅគួរឲ្យចង់សាកល្បង តែទន្ទឹមនឹងនេះដែរ ក៏មានមនុស្សមួយចំនួនទៀត បានលើកឡើងថា ពួកគេអាចនឹងមិនហ៊ានប្រើប្រាស់ឡាបូនេះឡើយ ដោយសារតែខ្លាចសំណាងអាក្រក់ ម៉ាស៊ីនមិនដំណើរការចេញទូរសព្ទឲ្យវិញ នៅពេលលាងសម្អាតដៃហើយផងដែរ៕
សូមទស្សនារូបភាពនិងវីដេអូខាងក្រោម៖