កូរ៉េខាងត្បូង ៖ ជាការពិតណាស់ BTS យកបានកំណត់ត្រាសំខាន់ជាមួយបទ Butter បង្ហាញខ្លួននៅចំណាត់ថ្នាក់លេខ១ លើតារាង Billboard’s Hot 100 រយៈពេល ៧សប្ដាហ៍ជាប់គ្នា ហើយថ្មីៗនេះបទ Permission To Dance របស់ពួកគេក៏បាន Debut នៅលំដាប់ Top 1 ស្របពេលដែលបទ Butter មកឈរនៅលំដាប់លេខ៧ លើតារាងវិញ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សជាក់ស្ដែង បច្ចុប្បន្នបទ Permission To Dance ក៏ត្រូវបានគេចាត់ទុកជា King ប្រចាំតារាង Hot 100 ខណៈពេលដែលបទ Butter បង្ហាញខ្លួនជាម្ចាស់ចំណាត់ថ្នាក់លេខ១ លើតារាង Song of the Summer វិញម្ដង។
យោងតាមតារាង Billboard បានឲ្យដឹងថាចំពោះកំណត់ត្រាជោគជ័យទ្វេដងផ្ទួនៗគ្នាបែបនេះ គឺកម្រមានអ្នកណាធ្វើបានណាស់ អាចថាគ្មានតារាណាមានសមត្ថភាពអាចយកលេខ១ លើតារាង Hot 100 ផង និងតារាង Song Of The Summer ស្របពេលជាមួយគ្នានោះទេ។
បើគិតឲ្យមែនទែនទៅ ក្នុងរយៈពេលជាង ១១ឆ្នាំ កន្លងមកនេះ អ្នកដែលអាចយកបានកំណត់ត្រានេះលើកចុងក្រោយគឺមានតែ Katy Perry ប៉ុណ្ណោះជាមួយបទ California Gurls ជាប់លេខ១ លើតារាង Song Of The Summer ហើយបទ Teenage Dream របស់នាងក៏មានមុខនៅលំដាប់ទី១ លើតារាង Hot 100 កាលពីឆ្នាំ ២០១០៕
សូមអបអរ BTS ចំពោះកំណត់ត្រាសំខាន់នេះ!
ប្រភព ៖ Koreaboo