ម៉ានីល៖ អ្នកនាំពាក្យប្រធានាធិបតីបាននិយាយនៅថ្ងៃសុក្រនេះថា ប្រទេសហ្វីលីពីននឹងហាមឃាត់អ្នកធ្វើដំណើរមកពីប្រទេសម៉ាឡេស៊ី និងថៃ ក៏ដូចជារឹតបន្តឹងនៅតំបន់ទីក្រុងម៉ានីល ក្នុងគោលបំណងទប់ស្កាត់ការរីករាលដាលនៃវីរុសកូវីដ១៩ដែលតា «Delta variant» បំប្លែងខ្លួនថ្មី។ នេះបើតាមប្រភពសារព័ត៌មាន Reuters ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស
លោក Harry Roque បានគូសបញ្ជាក់យ៉ាងដូច្នេះថា៖
វិធានការរឹតត្បិតការធ្វើដំណើរនេះ នឹងចូលជាធរមានចាប់ពីថ្ងៃអាទិត្យ រហូតដល់ចុងខែកក្កដា ដើម្បីការពារការរីករាលដាល និងទប់ស្កាត់ការចម្លងក្នុងសហគមន៍ នៃវីរុសកូវីដ១៩បំប្លែងថ្មី នៅក្នុងប្រទេសហ្វីលីពីន។
គួរជម្រាបថា កន្លងមកហ្វីលីពីនធ្លាប់បានហាមឃាត់អ្នកធ្វើដំណើរពីប្រទេសចំនួន៨ រួចមកហើយ ដែលរួមបញ្ចូលទាំងឥណ្ឌូណេស៊ី និងឥណ្ឌា។ ហើយបច្ចុប្បន្ននេះ ប្រទេសហ្វីលីពីន មានអ្នកឆ្លងកូវីដ១៩ សរុប ១,៥៣០,២៦៦នាក់ ស្លាប់ ២៦,៨៩១នាក់ និងកំពុងសម្រាកព្យាបាល ៥០,៥៦២៕
Bong I.T