Jennie លេងស្ទាយ៍ក្រងសក់អញ្ចឹងទៅ ប្លែកខ្លាំងមិនធម្មតា!

កូរ៉េខាងត្បូង៖ ថ្មីៗនេះ ស្រីស្រស់ Jennie សមាជិកក្រុម BLACKPINK បានបង្ហោះរូបភាពជាច្រើនសន្លឹក នៅលើបណ្តាញសង្គមគណនី Instagram ផ្លូវការរបស់ខ្លួន ដោយបង្ហាញពីភាពទាក់ទាញខ្លាំង មើលទៅល្អឥតខ្ចោះជាមួយស្ទីលថតរូប Fashion សម្លៀកបំពាក់ក៏កប់ ចេញរាងស្អាត ជាពិសេសស្ទាយ៍លេងម៉ូតក្រងសក់រមួលចូលគ្នា ទម្លាក់មកវែងអន្លាយបែបនេះ។

ជាមួយរូបភាពដែលមិនសូវជា ផាត់មុខខ្លាំងប៉ុន្មាន មើលទៅបែបធម្មជាតិ ព្រមជាមួយស្ទាយ៍លេងទឹកមុខគ្រប់ទម្រង់ទាំង Cute គួរឲ្យក្នាញ់ ថែមទាំងជះមន្តស្នេហ៍ខ្លាំងតាមរយៈការផ្លាស់ប្តូរស្ទាយ៍សក់បែបក្រងរមួលវែង មានទាំងទន្លាក់សក់សេះទៀត មើលទៅកាន់តែធ្វើឲ្យ Idol មានភាពទាក់ទាញមិនធម្មតា។

បន្ទាប់ពីឃើញរូបភាពស្អាតទាំងនេះរបស់ Jennie ហ្វេនៗពេញបណ្ដាញសង្គមបាននាំគ្នាចេញរំលែកជាហូរហែ ដោយមិនភ្លេចសរសើរតារាស្រីរូបនេះថា ពេលក្រងសក់អញ្ចឹងទៅស្អាតប្លែកខ្លាំងណាស់ គួរឲ្យស្រលាញ់ Cool អស់ពាក្យនិយាយហើយ៕

ជ្រាបច្បាស់ សូមទស្សនារូបភាពខាងក្រោម ៖