ផ្លូវការហើយ! CL នឹងវិលត្រលប់មកវិញ ពាក់កណ្តាលខែក្រោយនេះ

កូរ៉េខាងត្បូង៖ យោងតាមសេចក្តីរាយការណ៍របស់ប្រព័ន្ធផ្សព្វផ្សាយនៅថ្ងៃទី ២៣ ខែកក្កដាទីបំផុតតារាចម្រៀងទោល CL បានកំណត់កាលបរិច្ឆេទវិលត្រឡប់របស់នាងជាមួយនឹងអាល់ប៊ុមទី ១ របស់នាងគឺ Alpha នៅពាក់កណ្តាលខែសីហាខានមុខនេះ។

ជាក់ស្តែងដើមឡើយ CL ត្រូវទម្លាក់អាល់ប៊ុមរបស់នាង តាំងពីចុងឆ្នាំមុនមកម្លេះ តែទោះយ៉ាងណា វាត្រូវបានពន្យាពេលដោយសារកាលៈទេសៈផ្សេងៗ ហេតុដូច្នេះត្រូវ វាត្រូវអូសបន្លាយ រហូតដល់ ខែក្រោយនេះ បើយោងតាមប្រភពបានចេញផ្សាយ។

តួយ៉ាងមើលទៅដូចជា តារាស្រីកើតឆ្នាំ ១៩៩១ បានត្រៀមខ្លួនជាស្រេចដើម្បីបង្ហាញពិភពលោក នូវបទចម្រៀងថ្មីរបស់នាង ជាមួយអាល់ប៊ុមធំទីមួយ ដែលរួមជាមួយភាពជាដៃគូសហការ ជាមួយក្រុមហ៊ុន Konnect Entertainment ដែលបង្កើតឡើងដោយតារាចម្រៀង Kang Daniel សម្រាប់ការផ្សព្វផ្សាយនៅកូរ៉េដូច្នេះដែរ៕

ប្រភព​៖ Allkpop

សូមទស្សនារូបភាពខាងក្រោម៖