កូរ៉េខាងត្បូង ៖ នៅក្នុងបទសម្ភាសន៍របស់កម្មវិធី The Tonight Show Starring Jimmy Fallon ក្រុម BTS បានបង្ហាញវត្តមានពិសេសជាមួយបទសម្ភាសន៍ទាក់ទងនឹងរឿងតន្ត្រីរបស់ពួកគេ ហើយម្ចាស់កម្មវិធីលោក Jimmy Fallon ក៏បាននិយាយដល់សមត្ថភាពរបស់សមាជិកកូនពៅ Jungkook បែបនេះផងដែរ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស
ជាមួយគ្នានេះដែរ Jimmy Fallon បានលើកឡើងថា ៖
Jungkook អ្នកត្រូវបានគេស្គាល់ថាពូកែគ្រប់យ៉ាង។ នេះគឺជាពាក្យចចាមអារ៉ាមដែលថាអ្នកពូកែច្រៀង អ្នកពូកែរាំ អ្នកពូកែខាងសម្ដែង វីដេអូ លេងហ្គេម ... តើមានអ្វីដែលអ្នកមិនល្អទេ?
ទោះបីជាមានការអះអាងយ៉ាងណាក៏ដោយ Jungkook បានបដិសេធ ហើយបានបង្ហាញថាវាមិនមែនជាការពិតទេ ដែលថាលោកពូកែ ធ្វើបានគ្រប់យ៉ាងទាំងអស់នោះ។
នៅមានរឿងជាច្រើនដែលខ្ញុំនៅតែធ្វើមិនបានល្អនៅឡើយ ... វាជាបញ្ហាទាក់ទងទៅនឹងការផ្តោតអារម្មណ៍របស់ខ្ញុំផ្ទាល់។ គឺថាក្រៅពីអ្វីដែលខ្ញុំចូលចិត្តហើយ ខ្ញុំមិនអាចផ្តោតអារម្មណ៍ទៅលើអ្វីដែលខ្ញុំមិនចូលចិត្តនោះទេ។
តែនេះក៏មិនអាចចាត់ទុកថា ជាចំណុចអវិជ្ជមានដែរ ទោះជាយ៉ាងណាក៏ដោយ ក្នុងចិត្តរបស់ ARMY ទូទាំងសាកលលោក គឺពួកគេនៅតែចាត់ទុកថា Jungkook គឺជា Idol ដែលពូកែបំផុត និងអស្ចារ្យជានិច្ច។ លោកពិតជាសាកសមបំផុតហើយក្នុងនាមជា Golden Maknae និងជាសំណព្វចិត្តបងៗរួមក្រុម៕
ប្រភព ៖ Kstarlive
Bong I.T