មិនធ្លាប់មាន! ថៃរកឃើញអ្នកឆ្លងកូវីដ១៩ ក្នុងចំនួនដ៏ច្រើនបំផុត

បាងកក៖ ក្រសួងសុខាភិបាលថៃ បានរាយការណ៍នៅព្រឹកថ្ងៃសុក្រនេះថា ក្នុងរយៈពេល ២៤ម៉ោងចុងក្រោយនេះ ថៃមានអ្នកស្លាប់ថ្មី ដោយសារជំងឺកូវីដ១៩ រហូតដល់ ១១៤នាក់ ​រួមទាំងករណីឆ្លងថ្មី ១៤,៥៧៥នាក់។ នេះបើយោងតាមប្រភពព័ត៌មាន Bangkok Post។

ក្នុងចំណោម អ្នកឆ្លងថ្មីទាំង​ ​១៤,៥៧៥នាក់ គឺមាន ១,០៧២នាក់ ជាអ្នកទោសពន្ធនាគារ។​ ហើយនៅថ្ងៃដដែល មានអ្នកជំងឺកូវីដ១៩ ចំនួន ៧,៧៧៥នាក់ ​បានជាសះស្បើយ និងត្រូវបាន​អនុញ្ញាតឱ្យចាកចេញពីមន្ទីរពេទ្យ។

គួរឱ្យដឹងដែរថា ​ គិតមកទល់ពេលបច្ចុប្បន្ន ប្រទេសក្នុងតំបន់អាស៊ានមួយនេះ មានអ្នកស្លាប់សរុប ៣,​៨១១នាក់ ​ជាសះស្បើយ ​៣២០,១៥២នាក់ និងឆ្លង ៤៦៧,៧០៧​នាក់៕