អេស្ប៉ាញ៖ កីឡាករ David Alaba បានចូលហ្វឹកហាត់ជាមួយមិត្ដរួមក្រុម Real Madrid ជាលើកដំបូងកាលពីថ្ងៃព្រហស្បតិ៍ ដើម្បីត្រៀមធ្វើកាប្រកួតកម្ដៅសាច់ដុំ មុនបើករដូវកាលថ្មី។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សក្នុងចំណោមមិត្ដរួមក្រុមថ្មីៗ ដែលបានហ្វឹកហាត់នៅឯទីលាន Valdebebas កីឡាករ Alaba ក៏បានស្គាល់ខ្លះៗផងដែរ ហើយម្នាក់ក្នុងចំណោមនោះ អ្នកដែលជិតស្និទ្ធបំផុតដែលនិយាយភាសារអាល្លឺម៉ង់ និងជាអតីតមិត្ដរួមក្រុមកាលលេងនៅ Bayern Munich គឺកីឡាករ Toni Kroos ។
បើបកទៅកាន់ថ្ងៃបង្ហាញខ្លួនជាផ្លូវកានៅក្លិបស្ដេចស កីឡាករវ័យ ២៩ឆ្នាំរូបនេះបានបេ្ដជ្ញាចិត្ដថា នឹងព្យាយាមរៀនភាសាអេស្ប៉ាញឲ្យឆាប់ចេះបំផុតតាមដែរអាចទៅរួច ដើម្បីអាចទំនាក់ទំនងជាមួយមិត្ដរួមក្រុម និងមនុស្សផ្សេងៗទៀតនៅក្នុងក្លិប។
Alaba បង្ហើបដែរថា ខ្លួនបាននិយាយជាមួយ Kroos ហើយពិតជាសប្បាយចិត្ដណាស់ដែលបានជួបគាត់ម្ដងទៀត។
គួរបញ្ជាក់ថា ប្រធានក្រុមជម្រើសជាតិអូទ្រីសរូបនេះបានចុះកុងត្រាជាមួយក្លិប Real Madrid រយៈពេល ៥ឆ្នាំ ហើយបានក្លាយជាម្ចាស់អាវលេខ ៤ បន្ដពីអតីតកីឡាករ Ramos ៕
ខាងក្រោមនេះ ជារូបភាពខ្លះៗនៃការចូលហ្វឹកហាត់លើកដំបូងរបស់ Alaba ៖
ប្រភព៖ marca