អាល្លឺម៉ង់៖ ខ្សែប្រយុទ្ធ Robert Lewandowski ចាប់អារម្មណ៍ចង់ផ្ទេរមកលេងនៅទឹកដី Stamford Bridge បន្ទាប់ពីភ្នាក់ងាររបស់គេបានចរចាជាមួយខាងតំណាងរបស់ក្លិប Chelsea ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សChelsea បានដាក់គោលដៅចង់បាន Lewandowski បើសិនទិញយកខ្សែប្រយុទ្ធ Erling Haaland មិនបានហើយយោងតាមសារព័ត៌មាន Bild រាយការណ៍ដោយអ្នកកាសែតឈ្មោះ Ronan Murphy គឺ Chelsea បានបើកការចរចាជាមួយភ្នាក់របស់ Lewandowski គឺលោក Pini Zahavi ហើយ។
SunSport បានបង្ហើបឲ្យដឹងថា ក្លិបម្ចាស់ពាន UCL រដូវកាលមុននេះបានដាក់សំណើទឹកប្រាក់ខ្ទង់៥០លានផោន(ស្មើនឹងប្រមាណ ៦៨.៦លានដុល្លារ) ដើម្បីទិញយកកីឡាករវ័យ៣២ឆ្នាំនេះពី Bayern Munich ។
ប៉ុន្តែក្លិបយក្សនៅអាល្លឺម៉ង់មួយនេះមិនចង់លក់ខ្សែប្រយុទ្ធសញ្ជាតិប៉ូឡូញរូបនេះឡើយដោយគ្រោងនឹងស្នើកុងត្រាថ្មីដល់រូបគេទៀតផងខណៈដែល Robert Lewandowski នៅសល់កុងត្រាពីរឆ្នាំទៀតឯណោះ៕
ប្រភព៖ thesun