កូរ៉េខាងត្បូង ៖ ថ្មីៗនេះមានការគេផ្សព្វផ្សាយនៅតាមបណ្ដាញសង្គមអ៊ីនធើណែត ដោយលើកឡើងថា ផ្នែកមួយនៃបទ Butter របស់ក្រុម BTS មានបទភ្លេង Melody ស្រដៀងគ្នាទៅនឹងផ្នែកមួយនៃបទចម្រៀង You Got Me Down របស់ Luca Debonaire ដែលចេញផ្សាយកាលពីឆ្នាំ ២០២០។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស
ដោយឡែក Luca Debonaire បានចែករំលែកតាមរយៈបណ្តាញសង្គមរបស់ខ្លួនថា កាលពី ២០១៩ បានទិញ Topline ពី Sebastian Garcia ដែលក៏ត្រូវបានគេស្គាល់ថាជាអ្នកនិពន្ធបទ Butter ផងដែរ ដូច្នេះក៏កើតមានជាសំណួរអំពីបញ្ហាសិទ្ធិអ្នកនិពន្ធដែលមានសក្តានុពលជាមួយអ្នកនិពន្ធចម្រៀងរបស់ Sebastian Garcia ដែលមានវគ្គ Topline ប្រើក្នុងចម្រៀង ២បទផ្សេងគ្នា។
បន្ទាប់ពីមានការលើកឡើងបែបនេះ ខាង Big Hit Music បានចេញសេចក្តីថ្លែងការណ៍ថា ៖
គ្រប់យ៉ាង វាត្រូវបានបញ្ជាក់ថាមិនមានបញ្ហាពាក់ព័ន្ធនឹងការរក្សាសិទ្ធិទាក់ទងនឹងបទ Butter ទេ។ វាជាបទចម្រៀងដែលត្រូវបានបញ្ចប់ និងចេញផ្សាយបន្ទាប់ពីឆ្លងកាត់ដំណើរការនៃការបញ្ជាក់ជាមួយអ្នកនិពន្ធទាំងអស់ហើយថា មិនមានបញ្ហាអ្វីជាមួយបទចម្រៀងនោះទេ។ ហើយបច្ចុប្បន្នក៏មិនមានបញ្ហាទាក់ទងនឹងបញ្ហាកម្មសិទ្ធិបញ្ញារបស់បទចម្រៀងដែរ។ ទោះយ៉ាងណាក៏ដោយយើងបានដឹងអំពីការអះអាងថាមានបញ្ហាទាក់ទងនឹងការរក្សាសិទ្ធិ ប៉ុន្តែទោះបីជាដូច្នោះក៏ដោយ ចំពោះសិទ្ធិតន្ត្រីនៅតែជាកម្មសិទ្ធិរបស់ Butter។
ប្រភព ៖ Soompi
Bong I.T