អង់គ្លេស៖ ខ្សែបម្រើ Paul Pogba ទំនងជានឹងចាកចេញពី Manchester United ហើយ បន្ទាប់ពីរូបគេត្រូវបានគេរាយការណ៍ថា បានបដិសេធក្នុងការបន្តកិច្ចសន្យាថ្មី។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សជាការពិតណាស់ កុងត្រារបស់កីឡាករសញ្ជាតិបារាំងខាងលើនៅ Man Utd នឹងអស់សុពលភាពក្រោយបញ្ចប់រដូវកាល ២០២១-២០២២ ហើយ នៅពេលថ្មីៗនេះ ក៏មានពាក្យចចាមអារ៉ាមជាច្រើនបានទម្លាយឲ្យដឹងថា Paris Saint Germain កំពុងចង់បានរូបគេយ៉ាងខ្លាំង ហើយ ក៏នឹងត្រៀមដាក់សំណើរនៅពេលឆាប់ៗនេះផងដែរ។
យ៉ាងណាក្តី បើយោងទៅតាមរបាយការណ៍ពីប្រទេសអង់គ្លេស បានចុះផ្សាយថា Man Utd បានផ្តល់ជម្រើសថ្មីដល់ Pogba ដោយនឹងតម្លើងប្រាក់ឈ្នួលរបស់គេពី ២៥មុឺនផោនក្នុងមួយសប្តាហ៍ ទៅដល់ ៣៥មុឺនផោនក្នុងមួយសប្តាហ៍ ប៉ុន្តែ រូបគេនៅតែបដិសេធក្នុងការបន្តកុងត្រាថ្មី។ ដូច្នេះប្រសិនបើ Man Utd មិនព្រមលក់ Pogba សម្រាប់ទីផ្សារដោះដូរកីឡាកររដូវក្តៅនេះទេ គឺ គេអាចចាកចេញដោយគ្មានតម្លៃខ្លួននៅបំណាច់រដូវកាលថ្មីខាងមុខ៕
ប្រភព៖ metro