បារាំង៖ កីឡាករ Georginio Wijnaldum បានសារភាពថា ខ្លួនពិតជាចង់ឃើញវត្តមានរបស់ Paul Pogba ផ្លាស់មកកាន់ Paris Saint Germain ពីព្រោះកីឡាកររបស់ Manchester United ខាងលើ ជា ខ្សែបម្រើល្អជាងគេម្នាក់នៅលើលោក។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស
ជាការពិតណាស់ នាពេលថ្មីៗនេះ មានពាក្យចចាមអារ៉ាមជាច្រើនដែរបានលើកឡើងថា Pogba នឹងផ្លាស់ទៅកាន់ PSG សម្រាប់ទីផ្សារដោះដូរកីឡាកររដូវក្តៅនេះ ខណៈ កុងត្រារបស់គេនៅកីឡដ្ឋាន Old Trafford នឹងអស់សុពលភាពនៅបំណាច់រដូវកាលក្រោយនេះហើយ។ ដូច្នេះនេះមានន័យថា កីឡាករសញ្ជាតិបារាំងខាងលើអាចចាកចេញដោយគ្មានតម្លៃខ្លួនក្រោយបញ្ចប់រដូវកាល ២០២១-២០២២។
Wijnaldum បាននិយាយថា៖
ខ្ញុំចង់ឲ្យ Pogba ចូលរួមជាមួយ PSG។ ខ្ញុំធ្លាប់បានលេងជាមួយគាត់ជាច្រើនដង ហើយ គាត់ជាកីឡាករដ៏អស្ចារ្យ។ ប្រសិនបើអ្នកសួរកីឡាករនៅគ្រប់ក្រុមទាំងអស់ ថា តើពួកគេចង់បាន Pogba មករួមក្រុមអត់ នោះ ពួកគេនឹងមិនបដិសេធឡើយ ពីព្រោះគេជាកីឡាករដែលពោរពេញទៅដោយគុណភាព។ គាត់ ជា ខ្សែបម្រើល្អជាងគេម្នាក់នៅលើលោក៕
ប្រភព៖ goal
Bong I.T