ដាច់ចង្កេះ! Sancho អាចនឹងពាក់លេខមួយនេះនៅ Man UTD តែមិនមែនលេខ ៧ ទេ

អឺរ៉ុប៖ កីឡាករ Jadon Sancho នឹងត្រូវបានប្រគល់លេខអាវថ្មី នៅពេលដែលក្រុម Manchester United ធ្វើពិធីបង្ហាញខ្លួនខ្សែប្រយុទ្ធសញ្ជាតិ អង់គ្លេស រូបនេះជាផ្លូវការ ក្រោយផ្ទេរចេញពីក្រុម Borussia Dortmund, ខណៈ Man UTD បានសម្រេចការផ្ទេរខ្សែប្រយុទ្ធស្លាបរូបនេះក្នុងតម្លៃប្រមាណជា ៧៣ លានផោន ឬស្មើរនឹង (១០០ លានដុល្លាអាមេរិក)។

ជាមួយនឹងការប្រកាសសម្រាប់ការផ្ទេរនៅថ្ងៃខាងមុខ Sancho ត្រូវបានគេទម្លាយថា គាត់នឹងទទួលបានអាវលេខ ១៦ នេះបើយោងតាមការអះអាងរបស់ការសែត The National News, ខណៈរូបគេនឹងមិនទទួលបានអាវលេខ ៧ នោះទេ ព្រោះបច្ចុប្បន្នខ្សែប្រយុទ្ធ Edinson Cavani កំពុងកាន់កាប់លេខដែលជាប្រវត្តិសាស្ត្ររបស់ក្លិបមួយនេះ។

ចំណែកឯ អាវលេខ ៩ បច្ចុប្បន្នជារបស់កីឡាករ Anthony Martial និង លេខ ១១ ជារបស់ Mason Greenwood, ដូច្នេះហើយទើប Sancho អាចនឹងទទួលបានលេខ ១៦ វិញ, យ៉ាងណា ទោះបីជាលេខមួយនេះវាមិនមែនជាលេខដែលល្អបំផុតសម្រាប់ខ្សែប្រយុទ្ធក៏ដោយ ប៉ុន្តែវាជាលេខដ៏មានអត្ថន័យមួយសម្រាប់ក្រុម បិសាចក្រហម ព្រោះថាកាលពីអតីតកាលមានវីរៈបុរស ២ រូបដែលធ្លាប់ពាក់លេខមួយនេះ នោះគឺលោក Roy Keane និង Michael Carrick៕

ប្រភព៖ Sport Bible