កំពុងពរពោះកូនទីពីរ មើលទៅជីវិតគ្រួសារ សូរ្យ អេណា កាន់តែមានសុភមង្គល

ហុងកុង៖ អតីតតារាសម្ដែង និងជាតារាម៉ូដែល អ្នកនាង សូរ្យ អេណា មុនពេលមិនទាន់មានគ្រួសារ នាងក៏ជាតារាស្រីម្នាក់ ដែលមានប្រជាប្រិយភាពខ្លាំងមិនធម្មតាដែរនៅក្នុងវិស័យសិល្បៈខ្មែរ ហើយហ្វេនៗក៏មានការមានពេញចិត្តលើទេពកោសល្យរបស់នាងជាច្រើន។ 

ជាការពិត បន្ទាប់ពីប៉ុន្មានឆ្នាំក្រោយមកនេះ សូរ្យ អេណា ក៏បានចាប់ដៃសាងគ្រួសារជាមួយនឹងស្វាមីរូបសង្ហាជនជាតិបរទេសម្នាក់រហូតមានកូនស្រីម្នាក់ ហើយពេលនេះក៏កំពុងពរពោះកូនទីពីរផងដែរ។

ជាមួយគ្នានេះ បើនិយាយពីជីវិតគ្រួសាររបស់តារាស្រីរូបនេះ ប្រិយមិត្តច្បាស់ជាបានដឹងរួចមកហើយថា កន្លងមក សូរ្យ អេណា តែងតែទទួលបានការស្រលាញ់ថ្នាក់ថ្នមពីស្វាមីនាងយ៉ាងពេញលេញ។ ហើយពួកគេក៏តែងបង្ហាញពីសុមង្គលក្នុងគ្រួសារជាញឹកញាប់នៅលើបណ្ដាញសង្គម ហ្វេនៗឃើញហើយលួចសរសើរពីជីវិតដ៏សំណាងរបស់នាងជាហូរហែ។

ជាពិសេស បើងាកមកមើលរូបភាពមួយចំនួន ដែល សូរ្យ អេណា ទើបតែបានបង្ហោះកាលពីពេលថ្មីៗនេះវិញ មើលទៅគ្រប់សកម្មភាព គ្រប់កាយវិការនៃរូបភាពទាំងនោះ ពិតជាបង្ហាញឲ្យឃើញថា គ្រួសារតូចមួយនេះពិតជាពោរពេញដោយក្ដីសុខ និងមានសុភមង្គលខ្លាំងតែម្ដង ខណៈពេលវេលាដែលនាងត្រូវសម្រាលក៏កាន់តែខិតជិតមកដល់ឆាប់ៗផងដែរ៕

ទស្សនារូបភាពខាងក្រោម៖