អង់គ្លេស៖ យោងតាមសេចក្ដីរាយការណ៍ពីអ្នកកាសែត Fabrizio Romano គឺក្លិបមាន់ខ្នាយមាស Tottenham Hotspur នឹងយកខ្សែបម្រើ Erik Lamela ទៅប្ដូរយក Bryan Gil ពី Sevilla ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សSevilla នឹងទទួលបានប្រាក់បន្ថែមដល់ទៅ២៥លានអឺរ៉ូ (ស្មើនឹងប្រមាណ២៩.៤លានដុល្លារ) ពី Spurs ក្នុងកិច្ចព្រមព្រៀងនេះផងដែរ។
Gil បានក្លាយជាកីឡាករវ័យក្មេងដែលមានសមត្ថភាពមួយរូបនៅប៉ុន្មានឆ្នាំចុងក្រោយនេះបន្ទាប់ពីបង្ហាញទម្រង់លេងយ៉ាងល្អកាលខ្ចីជើងនៅ Eibar កាលពីរដូវកាលមុនហើយក្លិប Spurs ក៏សម្លឹងមើលឃើញកីឡាកររូបនេះដល់ថ្នាក់ព្រមយក Lamela បូកនឹងប្រាក់ ទៅឲ្យ Sevilla ដើម្បីឲ្យបានរូបគេមក។
គួរបញ្ជាក់ផងដែរថា Erik Lamela ផ្ទេរពីក្លិប Roma មក Spurs តាំងពីឆ្នាំ២០១៣ ខណៈដែល Bryan Gil លេងឲ្យ Sevilla តាំងពីឆ្នាំ២០១២ ដែលគេជាកីឡាករបណ្ដុះចេញពីថ្នាលយុវជនរបស់ Sevilla ផ្ទាល់៕
ប្រភព៖ sportsmole