អង់គ្លេស៖ លោក Gianfranco Zola ដែលជាវីរបុរសរបស់ក្លិបតោខៀវ Chelsea បានបង្ហើបឲ្យដឹងថាខ្សែបម្រើ Jorginho សមនឹងឈ្នះពានបាល់មាស ballon d'Or ជាង កំពូលខ្សែប្រយុទ្ធ Lionel Messi ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស
ខ្សែបម្រើសញ្ជាតិអ៊ីតាលីរូបនេះបានឈ្នះពាន Champions League ជាមួយ Chelsea កាលពីរដូវកាលមុននិងបន្តមកលើកពាន Euro 2020 ជាមួយក្រុមជម្រើសជាតិអ៊ីតាលីទៀតខណៈដែល Messi បានឈ្នះពាន Copa America ជាមួយក្រុមជម្រើសជាតិអាហ្សង់ទីន។
Messi ពុំបានឈ្នះពាន Champions League ជាមួយ Barcelona ឡើយដោយចាញ់ Paris Saint-Germain នៅវគ្គ១៦ក្រុមហើយក្លិបក៏ឈរនៅលេខរៀងទី៣ក្នុងតារាង La Liga ដែរ។
ដូច្នេះទើបលោក Zola ថា Jorginho ស័ក្តិសមនឹងឈ្នះពានមួយនេះណាស់៖
ឥលូវពួកយើងមិនគួររំលងក្នុងការនិយាយអំពីការដែលកីឡាករអស្ចារ្យដូច Messi បានធ្វើរឿងដ៏ពិសេសសម្រាប់ក្រុមជម្រើសជាតិរបស់គេ ប៉ុន្តែតើពាននោះគួរផ្ដល់ឲ្យ Jorginho ឬអត់?ខ្ញុំគិតថាគេសមនឹងឈ្នះពាននេះណាស់។ គេសមគួរនឹងទទួលបានវាព្រោះមិនមែនត្រឹមតែការលេងរបស់គេទេ ប៉ុន្តែក្រុមទាំងពីរ(Chelsea និងអ៊ីតាលី)គឺសុទ្ធតែល្អ៕
ប្រភព៖ thesun
Bong I.T