កូរ៉េខាងត្បូង ៖ ជាការពិតណាស់ ស្រីស្រស់ Lisa សមាជិកក្រុម BLACKPINK និងបុរសសង្ហាញញឹមឆក់បេះដូងហ្វេន V សមាជិកក្រុម BTS កំពុងតែប្រមូលកំណត់ត្រាផ្ទាល់ខ្លួនរាប់មិនអស់ជាមួយសកម្មភាពទោលរបស់ពួកគេ ជាពិសេសកំណត់ត្រានៅលើបណ្ដាញសង្គម Instagram នេះតែម្ដង។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សជាក់ស្ដែង នាពេលថ្មីៗនេះ Lisa បានបំបែកឯតទគ្គកម្មជាមួយរូបរបស់នាង រកបានចំនួន Like លឿនបំផុតឈានដល់ ៨ លាន Like នៅលើគណនី Instagram ផ្លូវការរបស់ខ្លួន ដោយបច្ចុប្បន្ន នាងក្លាយជាសិល្បករស្រីរបស់អាស៊ីតែមួយគត់ ដែលមានការបង្ហោះរូបទទួលបានចំនួន Like ច្រើនបែបនេះ។
គួរបញ្ជាក់ផងដែរថា Lisa ទទួលបានសមិទ្ធផលបែបនេះ ក្នុងនាមជាសិល្បករស្រីអាស៊ីតែមួយគត់ រួមជាមួយប្រុសសង្ហា V ដែលបានក្លាយជាសិល្បករអាស៊ីដំបូងគេ និងតារាអាស៊ីបុរសតែម្នាក់គត់ ដែលបានឈានដល់ចំណុចលេចធ្លោ ជោគជ័យសំខាន់មួយនេះ ទោះបីជាលោកគ្មានគណនី Instagram ផ្ទាល់ខ្លួនរបស់ក៏ដោយ៕
សូមអបអរសាទរ ទៅកាន់ Lisa និង V ចំពោះជោគជ័យសំខាន់នេះ!
ប្រភព ៖ Allkpop