អាហារ៖ ត្រប់វែង គឺជាបន្លែ ដែលភាគច្រើនគេយកធ្វើជាអន្លក់បន្ទាប់បន្សំជាមួយមុខម្ហូបផ្សេងៗ ត្រប់វែង អាចយកទៅឆាជាមួយសាច់ជ្រូកចិញ្ច្រាំបានជាម្ហូបមួយមុខផងដែរ។ អ្នកប្រហែលជាមិនដែលចាប់អារម្មណ៍ទេថា ត្រប់វែង អាចយកទៅបំពងជាមួយម្សៅបានយ៉ាងឆ្ងាញ់ ជាពិសេសមិនត្រឹមតែបំពងធម្មតានោះទេ គឺផ្សំគ្រឿងជាមួយសាច់ជ្រូកចិញ្ច្រាំទៀតផង។ 

ត្រប់វែងស្នូលសាច់បំពង
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

គ្រឿងផ្សំ៖ 

១. ត្រប់វែង 

២. សាច់ជ្រូកចិញ្ច្រាំ 

៣. ស្ករស ម្សៅស៊ុប អំបិល

៤. ស្លឹកខ្ទឹម ហាន់ឲ្យម៉ត់

៥. ម្រេចម៉ត់

៦. ម្សៅបំពង

គ្រឿងផ្សំទាំងអស់អាចលីលកបានតាមចំណង់ចំណូលចិត្ត

របៀបធ្វើ៖

១. យកត្រប់វែងមកហាន់ជាចំណិតៗល្មម ហើយវះវាជាពីរសម្រាប់ទុកកន្លែងដាក់សាច់ចិញ្ច្រាំចូលដូចរូប។ 

ត្រប់វែងស្នូលសាច់បំពង
ត្រប់វែងស្នូលសាច់បំពង

២.​ យកសាច់ជ្រូកចិញ្ច្រាំ មកដាក់គ្រឿងចូល ស្ករស ម្សៅស៊ុប អំបិល ម្រេចម៉ត់ បន្ទាប់មកលាយគ្នាឲ្យរលាយគ្រឿងចូលគ្នាអស់ រួចដាក់ស្លឹកខ្ទឹមចូលលាយឲ្យសព្វ។

ត្រប់វែងស្នូលសាច់បំពង

៣. យកម្សៅបំពងមកចាក់ដាក់ចានធំមួយហើយចាក់លាយទឹកឲ្យល្មម មិនរាវពេកមិនខាប់ពេក បន្ទាប់មកយកសាច់ចិញ្ច្រាំទាំងនោះទៅញាត់ចូលក្នុងចំណិតត្រប់វែង ហើយដាក់ចូលខ្ទះបំពងភ្លាមៗធ្វើបែបនេះរហូតដល់អស់គ្រឿង។

ត្រប់វែងស្នូលសាច់បំពង

៤. ពេលបំពងឆ្អិនល្អហើយ ស្រង់ចេញឲ្យស្រោះខ្លាញ់ បន្ទាប់មកអ្នកអាចញុំា ត្រប់វែងស្នូលសាច់បំពង ជ្រលក់ជាមួយទឹកម្ទេសបានយ៉ាងឆ្ងាញ់មាត់។ 

ត្រប់វែងស្នូលសាច់បំពង
ត្រប់វែងស្នូលសាច់បំពង

ប្រភព៖ Jee Jee 

បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected] (3) LINE, VIBER: 098282890 (4) តាមរយៈទំព័រហ្វេសប៊ុកខ្មែរឡូត https://www.facebook.com/khmerload

ចូលចិត្តផ្នែក អាហារ និង ដើរលេង និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]