ឲ្យតែព្រមមក! Man UTD ហ៊ានឲ្យប្រាក់ឈ្នួល២សែនក្នុងមួយសប្តាហ៍ទៅតារាជួរមុខរបស់ Bayern រូបនេះ

អង់គ្លេស៖ ក្លិបបិសាចក្រហម Manchester United កំពុងព្យាយាមបញ្ចុះបញ្ចូលខ្សែបម្រើ Leon Goretzka នៃក្លិប Bayern Munich ឲ្យផ្ទេរមកទឹកដី Old Trafford ដោយហ៊ានឲ្យប្រាក់ឈ្នួលចំនួន២០០០០០ផោន(ស្មើនឹងប្រមាណ ២៧០០០០ដុល្លារ)ក្នុងមួយសប្តាហ៍ឯណោះ។

ប៉ុន្តែក្រៅពី Man UTD គឺ Real Madrid និង Barcelona ក៏ចង់បានកីឡាករសញ្ជាតិអាល្លឺម៉ង់រូបនេះដែរខណៈដែលសារព័ត៌មាន Bild បានបង្ហើបថា Goretzka កំពុង មិនសូវសប្បាយចិត្តដែលការចរចាបន្តកុងត្រាថ្មីជាមួយ Bayern Munich ដំណើរការយ៉ាងយឺតយ៉ាវ។

Manchester United ចង់បាន Leon Goretzka មកជំនួសខ្សែបម្រើ Paul Pogba ដែលមិនទាន់បានបន្តកុងត្រាថ្មីជាមួយក្លិប ប៉ុន្តែ Bayern Munich មិនចង់បាត់បង់រូបគេនោះឡើយ។

ខ្សែបម្រើ Leon Goretzka ផ្ទេរពីក្លិប Schalke មកកាន់ Bayern Munich កាលពីឆ្នាំ២០១៨ ដោយបានជួយឲ្យក្លិបឈ្នះពាន Champions League ទៀតផង៕

ប្រភព៖ thesun