កូរ៉េខាងត្បូង ៖ នៅថ្ងៃទី២១ ខែ កក្កដា ម្សិលមិញនេះ Spotify បានប្រកាសស្វាគមន៍ក្រុមចម្រៀង Kpop លំដាប់ពិភពលោក BTS មកកាន់ Billions Club របស់ខ្លួន បន្ទាប់ពីសន្ទុះនៃការគាំទ្របទ Dynamite មានអ្នកចូលស្ដាប់ឈានដល់ ១ ពាន់លាន Streams លើ Spotify។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សគួរបញ្ជាក់ផងដែរថា BTS បានចេញបទ Dynamite នៅថ្ងៃទី២១ ខែ សីហា ឆ្នាំ ២០២០ មានន័យថាចម្រៀងមួយបទនេះ បានចំណាយពេលមិនដល់ ១ឆ្នាំឡើយ តែក៏អាចយកបានជោគជ័យធំធេងនេះយ៉ាងងាយ ជាមួយចំនួនអ្នកស្ដាប់លើសពី ១ ពាន់លាន Streams។
ជាមួយកំណត់ត្រាថ្មីខាងលើ បានធ្វើឲ្យ BTS ក្លាយជាសិល្បករកូរ៉េដំបូងគេ ដែលមានបទចម្រៀងទទួលបានសមិទ្ធផលជាប្រវត្តិសាស្ត្រប្រចាំតារាងតន្ត្រី Spotify ហើយក៏ជាបទចម្រៀងដំបូងរបស់តារា Kpop ដែលរកជោគជ័យឈានដល់ចំណុចកំពូលសំខាន់បែបនេះ៕
សូមអបអរសាទរដល់ក្រុមហ៊ុន BTS ចំពោះសមិទ្ធផលជាប្រវត្តិសាស្ត្រនេះ!
ប្រភព ៖ Soompi