គេល្អ! Bruno កំពុងបញ្ចុះបញ្ចូល Man Utd ឲ្យទិញយកមិត្តរួមក្រុមព័រទុយហ្កាល់រូបនេះ

អឺរ៉ុប៖ កីឡាករ Bruno Fernandes ត្រូវបានគេរាយការណ៍ ថា បានណែនាំ Manchester United ឲ្យពង្រឹងតំបន់បម្រើឲ្យបានកាន់តែរឹងមាំតាមរយៈការចុះហត្ថលេខាទិញយកកីឡាករ Ruben Neves ពី Wolves។

ជាការពិតណាស់ នាពេលថ្មីៗនេះ Man Utd ទើបតែប្រកាសផ្លូវការអំពីការទិញយក Jadon Sancho ហើយ ក្លិបកំពុងមានពាក្យចចាមអារ៉ាមក្នុងការនាំយក Raphael Varane និង Kierran Trippier មកកាន់កីឡដ្ឋាន Old Trafford ផងដែរ។

យ៉ាងណាក្តី លោក Ole Gunnar Solskjaer ក៏មានបំណងចង់ស្វែងរកខ្សែបម្រើថ្មីម្នាក់ទៀតដែលមានគុណភាពដើម្បីជំនួសតំណែងរបស់ Paul Pogba ដែលមានពាក្យចចាមអារ៉ាមក្នុងការចាកចេញ ហើយ ក្លិបមានព័ត៌មានលេចឮថាចង់បានខ្សែបម្រើវ័យក្មេង Eduardo Camavinga របស់ Rennes។ ទន្ទឹមគ្នានេះផងដែរ Bruno គិតថា Man Utd គួរតែបង្វែរការចាប់អារម្មណ៍មកលើមិត្តរួមសញ្ជាតិព័រទុយហ្កាល់គេវិញ គឺ Neves វិញដែរជាកម្លាំងស្នូលរបស់ Wolves និង អាចរ៉ាប់រង់តំបន់បម្រើបានល្អ៕

ប្រភព៖ teamtalk