អង់គ្លេស៖ មានព័ត៌មានចចាមអារ៉ាមជាច្រើនបានផ្ទុះឡើងថា ប្រធានក្រុម Jordan Henderson អាចនឹងចាកចេញពី Liverpool នៅរដូវក្ដៅនេះបន្ទាប់ពីការចរចាបន្តកុងត្រាមានភាពយឺតយ៉ាវនិងពុំមានផ្លែផ្កាដែលធ្វើឲ្យអនាគតរបស់គេពិតជាស្រពេចស្រពិល។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស
ខ្សែបម្រើវ័យ៣១ឆ្នាំរូបនេះបានចូលរួមជាមួយក្លិបតាំងពី១០ឆ្នាំមុន និងបានពាក់ស្លាកប្រធានក្រុម Liverpool តាំងពីឆ្នាំ២០១៥ដោយស្នងតំណែងអតីតខ្សែបម្រើ Steven Gerrard ដែលក្លាយជាគ្រូបង្វឹករបស់ក្លិប Rangers ។
ទន្ទឹមគ្នានោះអតីតខ្សែប្រយុទ្ធនៅ Liverpool គឺលោក Stan Collymore ចង់ឲ្យគេស្នាក់នៅបន្តរហូតដល់ចូលនិវត្តន៍និងជឿជាក់ថា Henderson គួរតែបានក្លាយជាគ្រូបង្វឹករបស់ក្លិបនាពេលអនាគតទៀតផង។
លោក Collymore បានថ្លែងថា៖
Jordan Henderson ត្រូវតែទទួលបានកុងត្រាថ្មីនៅ Liverpool ហើយវាគួរតែមានលក្ខខណ្ឌដែលធ្វើឲ្យគេអាចក្លាយជាគ្រូបង្វឹកមួយតំណែងទៀតដូច្នេះគេអាចមានលទ្ធភាពឡើងមកធ្វើជាគ្រូបង្វឹកបានក្រោយចូលនិវត្តន៍។ គេជាវីរបុរសនៅក្លិបនេះនិងមានឥទ្ធិពលខ្លាំងណាស់ដល់កីឡាករក្នុងក្រុម។ Henderson មានភាពឈ្លាវឆ្លាតនិងមានភាពជាអ្នកដឹកនាំ។
ប៉ុន្តែយ៉ាងណាមិញ បេក្ខភាពគ្រូបង្វឹកដែលអ្នកគាំទ្រចង់ឲ្យស្នងតំណែងពី Jurgen Klopp គឺលោកគ្រូបង្វឹក Steven Gerrard៕
ប្រភព៖ mirror
Bong I.T