បរទេស៖ តាមសេចក្តីរាយការណ៍បានឱ្យដឹងថា ក្លិប Paris Saint-Germain កំពុងសម្លឹងចង់បានខ្សែបម្រើឆ្នើមរបស់ក្រុម Manchester United កីឡាករ Paul Pogba នៅរដូវក្តៅនេះ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សជាការពិតណាស់ កីឡាករវ័យ ២៨ ឆ្នាំកំពុងឈានចូលដល់រដូវកាលចុងក្រោយនៃកុងត្រារបស់ខ្លួនជាមួយ Man UTD ហើយ, ប៉ុន្តែទោះបីជាក្រុមបិសាចក្រហមចង់រក្សារូបគេទុកក៏ដោយ ក៏រហូតមកដល់ពេលនេះរូបគេមិនទាន់បានយល់ព្រមលើកិច្ចព្រមព្រៀងណាមួយនៅឡើយដែរ។
អ្នកចាត់ការលោក Mauricio Pochettino នៅតែមានគំនិតសុទិដ្ឋិនិយមក្នុងការនាំចូលកីឡាករថ្មីមកបន្ថែមទៀត បន្ទាប់ពីក្លិបអ្នកមានបារាំងបានសម្រេចកិច្ចព្រមព្រៀងជាមួយការនាំយកកីឡាករមួយចំនួនរួចហើយក្តី ក្នុងនោះមានកីឡាករ Gianluigi Donnarumma, Sergio Ramos, Georginio Wijnaldum និង Achraf Hakimi។
បើយោងតាមការចុះផ្សាយរបស់ការសែត Daily Mirror បានឱ្យដឹងថា ក្លិប PSG កំពុងរំពឹងថានឹងអាចទទួលបានទឹកប្រាក់យ៉ាងហោចណាស់ ៥០ លានផោន ឬស្មើនឹង (៦៨ លានដុល្លាអាមេរិក) ពីការលក់កីឡាកររបស់ខ្លួនមួយចំនួនចេញ, បន្ទាប់មកពួកគេអាចប្រើទឹកប្រាក់ទាំងអស់នេះដើម្បីទិញ Pogba នៅក្នុងរដូវក្តៅនេះ៕
ប្រភព៖ Sports Mole