ឥណ្ឌូនេស៊ី៖ ការស្លាប់របស់ក្រុមគ្រូពេទ្យ នៅក្នុងប្រទេសឥណ្ឌូនេស៊ីបានកើនឡើងយ៉ាងខ្លាំងនៅក្នុងឆមាសទីមួយនៃខែកក្កដានេះ បើយោងតាមប្រភពបានរាយការណ៍មក បានជម្រុញឱ្យមានការកើនឡើងកាន់តែខ្លាំងឡើង នៃការឆ្លងនៅទូទាំងប្រទេសមួយនេះ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សដូចគ្នានេះដែរ តាមប្រភពបានបន្តទៀតថា ក្រុមគ្រូពេទ្យ សរុបចំនួន ១១៤ នាក់បានស្លាប់ក្នុងកំឡុងថ្ងៃទី១ ដល់១៧ ខែកក្កដាដែល វាជាតួលេខខ្ពស់បំផុត កើនឡើងច្រើនជាង ២០% នៃចំនួនក្រុមគ្រូពេទ្យ សរុបចំនួន៥៤៥ នាក់ដែលបានស្លាប់ដោយសារជំងឺកូវីដ១៩ ចាប់តាំងពីការចាប់ផ្តើមវាយលុកដោយរលកថ្មីមក។
តួយ៉ាង ទោះបីជាមានអត្រាចាក់វ៉ាក់សាំង ៩៥ ភាគរយក្នុងចំណោមបុគ្គលិកសុខាភិបាលក៏ដោយ ក៏ការស្លាប់របស់គ្រូពេទ្យបានកើនឡើងនៅក្នុងប្រទេសឥណ្ឌូនេស៊ី ដែលជាប្រទេសមានប្រជាជនច្រើនជាងគេទីបួន នៅលើពិភពលោក។
ប្រការនេះបានជម្រុញ ឲ្យរដ្ឋាភិបាលប្រើវ៉ាក់សាំង Moderna ជាការចាក់ថ្នាំបង្ការរោគបន្ថែម សម្រាប់បុគ្គលិកសុខាភិបាល ខណៈប្រទេសនេះ កំពុងជាចំណុចកណ្តាលនៃជំងឺរាតត្បាតថ្មី ដោយគេត្រូវបានរាយការណ៍ថាមាន ៤៤.៧២១ ករណី និងមនុស្សចំនួន ១០៩៣ នាក់បានស្លាប់ដោយសារវីរុសនេះកាលពីថ្ងៃអាទិត្យ៕
ប្រភព៖ reuters
សូមទស្សនារូបភាពខាងក្រោម៖