ចិន៖ កងទ័ពចិនបានចេញការព្រមានថា អាងទំនប់ទឹកមួយនៅកណ្តាលប្រទេស អាចនឹងដួលបាក់រលំគ្រប់ពេល បន្ទាប់ពីរងការខូចខាតយ៉ាងធ្ងន់ធ្ងរដោយសារព្យុះដ៏ខ្លាំងក្លា ដែលបានសម្លាប់មនុស្សយ៉ាងហោចណាស់ ១២នាក់ និងបានធ្វើឱ្យតំបន់នេះមានការជាប់គាំង។ នេះបើតាមប្រភពព័ត៌មាន cna។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សអាជ្ញាធរគ្រប់គ្រងអាកាសធាតុ បានចេញសេចក្តីប្រកាសឱ្យមានការប្រុងប្រយ័ត្នខ្ពស់បំផុតសម្រាប់តំបន់ភាគកណ្តាលខេត្ត Henan ខណៈភ្លៀងធ្លាក់បណ្តាលឱ្យមានការរអាក់រអួលដល់ការធ្វើដំណើរ និងការជម្លៀសប្រជាជននៅតាមផ្លូវលិចលង់។
កាលពីល្ងាចថ្ងៃអង្គារ អង្គភាពប្រចាំតំបន់នៃកងទ័ពរំដោះប្រជាជនបានព្រមានថា ភ្លៀងឥតឈប់ឈរបានបណ្តាលឱ្យមានស្នាមប្រេះ ២០ម៉ែត្រ នៅអាងទំនប់ទឹក Yihetan ក្នុងទីក្រុង Luoyang ដែលមានប្រជាជនរស់នៅប្រមាណ ៧លាននាក់ កំពុងប្រឈមនឹងហានិភ័យ ថាវាអាចនឹងបាក់រលំគ្រប់ពេល។ ហើយបន្ថែមពីនេះ ក្រុមទាហានត្រៀមអនុវត្តការឆ្លើយតបជាបន្ទាន់ រួមទាំងការបំផ្ទុះទំនប់នេះ ដើម្បីការបង្វែរទឹកជំនន់។
គួរឱ្យដឹងដែរថា គ្រោះទឹកជំនន់ គឺកើតមានជាធម្មតានារដូវវស្សាក្នុងប្រទេសចិន ដែលបណ្តាលឱ្យមានភាពវឹកវរជារៀងរាល់ឆ្នាំ និងធ្វើឱ្យជន់លិចផ្លូវថ្នល់ ដំណាំ និងផ្ទះសម្បែង។ ប៉ុន្តែការគំរាមកំហែងនេះ គឺកាន់តែអាក្រក់ទៅៗ ក្នុងរយៈពេលប៉ុន្មានទសវត្សចុងក្រោយ ដោយសារតែផ្នែកខ្លះនៃការសាងសង់ទំនប់និងប្រឡាយ បានកាត់ផ្តាច់បណ្តាញទឹកទន្លេ និងបឹងដែលនៅជាប់ រួមទាំងតំបន់លិចទឹក៕
Bong I.T