អ៊ីតាលី៖ ខ្សែប្រយុទ្ធ Cristiano Ronaldo ត្រូវបានគេរាយការណ៍ថា បានសម្រេចចិត្តក្នុងការបន្តលេងឲ្យ Juventus សម្រាប់រដូវកាលថ្មី ២០២១-២០២២ ខាងមុខនេះ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សជាការពិតណាស់ កីឡាករសញ្ជាតិព័រទុយហ្កាល់ខាងលើ នៅសេសសល់កុងត្រាជាមួយ Juventus តែមួយរដូវកាលទៀតប៉ុណ្ណោះ ដូច្នេះរូបគេអាចចាកចេញដោយគ្មានតម្លៃខ្លួនបានក្រោយបញ្ចប់រដូវកាលថ្មីខាងមុខ ហើយ រូបគេតែងតែមានពាក្យចចាមអារ៉ាមក្នុងការផ្លាស់ទៅកាន់ Paris Saint Germain និង Manchester United។
យ៉ាងណាក្តី បើយោងទៅតាមរបាយការណ៍មួយចំនួនបានទម្លាយឲ្យដឹងថា Ronaldo ចង់លេងឲ្យ Juventus មួយរដូវកាលទៀតមុនពេលដែលត្រូវពិចារណាក្នុងការស្វែងរកក្លិបផ្សេងទៀតនារដូវកាលក្រោយ ហើយ សម្រាប់ Juventus វិញនឹងព្យាយាមបញ្ចុះបញ្ចូល Ronaldo ក្នុងការបន្តកិច្ចសន្យាថ្មីផងដែរ៕
ប្រភព៖ sportsmole