អឺរ៉ុប៖ ក្លិប Bayern Munich កំពុងបើកការចរចាគ្នាជាមួយក្លិប Barcelona លើការនាំយកខ្សែការពារស្លាបស្តាំ Sergi Roberto មករួមក្រុមក្នុងលក្ខខណ្ឌខ្ចីជើងជាមួយនឹងជម្រើសទិញផ្តាច់។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សជាការពិតណាស់ កុងត្រារបស់ Roberto ជាមួយ Barcelona នៅសេសសល់តែរយៈពេលមួយរដូវកាលទៀតប៉ុណ្ណោះ ហើយ Barcelona មិនចង់ឲ្យកីឡាករសញ្ជាតិអេស្ប៉ាញខាងលើចាកចេញដោយគ្មានតម្លៃខ្លួនឡើយ ដូច្នេះក្លិបក៏កំពុងពិចារណាផ្ទេរគេទៅកាន់ Bayern Munich ផងដែរ។
មូលហេតុដែល Bayern Munich ចាប់អារម្មណ៍ចង់បាន Roberto នោះ គឺ ដោយសារក្លិបត្រូវការអ្នកប្រកួតប្រជែងបន្ថែមក្នុងតំបន់ខ្សែការពារស្លាបស្តាំដែលបច្ចុប្បន្នមាន Benjamin Pavard និង Bouna Sarr ខណៈ Josip Stanisic និង Chris Richards មានវ័យក្មេងពេក និង មិនមានសមត្ថភាពគ្រប់គ្រាន់ដើម្បីប្រជែងកៅអីលេងជម្រើសដំបូងឡើយ៕
ប្រភព៖ goal