កូរ៉េខាងត្បូង ៖ ជាការពិតណាស់ បទចម្រៀងថ្មី Permission To Dance របស់ក្រុមចម្រៀង Kpop ល្បីលំដាប់ពិភពលោក BTS ទើបតែបានបង្កើតកំណត់ត្រាប្រវត្តិសាស្រ្តកំពូលសំខាន់ថ្មី សម្រាប់សប្ដាហ៍ដំបូងរបស់ខ្លួន គ្រងតំណែងលេខ១ លើតារាង Billboard’s Hot 100 ហើយក្លាយជាបទចម្រៀងទី៥ របស់ក្រុមដែលបង្ហាញមុខ លើតារាងនេះបន្ទាប់ពីបទ Dynamite បទ Life Goes On បទ Savage Love Remix និងបទ Butter។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សហើយសម្រាប់សប្ដាហ៍ដែលនឹងត្រូវបញ្ចប់នៅថ្ងៃ២៤ ខែ កក្កដា ខាងមុខនេះ បទថ្មីរបស់ក្រុម BTS ថែមទាំងបង្ហាញមុខជាប់លេខ១ លើតារាង Billboard’s Digital Song Sales Chart ជាប់លេខ១ លើតារាង Global 200 Chart និងជាប់លេខ១ លើតារាង Global Excl. U.S. Chart។
លើសពីនេះទៀត BTS បានឡើងដល់ចំណាត់ថ្នាក់លេខ១ លើតារាង Billboard’s Artist 100 ហើយ Permission to Dance ក៏មានមុខលើតារាង Streaming Songs Chart នៅលេខរៀងទី៨ ផងដែរ៕
សូមអបអរ BTS ចំពោះកំណត់ត្រាទាំងនេះ!
ប្រភព ៖ Soompi